1435. 1. september.

Tekst

An den^[1] den] dem, A, den, B. eerwerdyghen vorsychtyghen wysen heren, borghermestere unde rad der stat Lubyck, myt werdycheyt kome desse breff.

Mynen vruntliken underdanyghen denst n{ue} tho allen tiiden bereyt.

Juwe acbargheyt wyllet weten, alse gy my hebben bevolen, juwe breve van my tho antwarden her Eezeken unde Magnus Ghoghe unde^[2] unde] mangler, B. wedder tho entvande^[3] wedder tho entvande] I B er disse tre ord tilføjet i brevets margin. , deme hebbe <ik>^[4] <ik>] mangler, A, ik, B. also ghedaen.

Unde alse ik over quam, so was ik men eyne nacht tho Valsterbode unde vort vůr^[5] unde vort vůr] unde vor vort, B. ik over tho Kopemhaven, do was de konyngh ghesegelt, unde vant up de tiid her Eezeken unde Magnus nycht tho hus, unde lagh dar up 8 daghen eer se quemen.

So antwarde ik an dat erste her Eezeken unde Magnus des konynghes bref^[a]des konynghes bref] se DD 1423. 15. jun., nr. 14230615001 . , den wolden se em naschycken myt den ersten unghevortoghert^[6] unghevortoghert] unvorthogert, B. , unde bogherende hochliken tho besynnende tho der dachvart.

Unde her Eezeke was my ansynde, dat ik wol wolde doen unde qweme dar mede, dar antwarde ik tho, dat dat <my>^[7] <my>] mangler, A, my, B. nycht stunde tho dunde, ik hope dat unse raet besende dat gherne.

Item alse umme de anderen breve, de hebbe ik van my antwardet unde den groten bref^[b]den groten bref] DD 1435. 17. eller 24. jul., nr. 14350717003. wedder untfanghen.

Dar entbrek ane des ertzebyscop van Lunden syn seghel unde des rades segel van deme Elboghen, men her Eezeke heft my den loven gheseght, dat he my de twe segel wyl darvore schycken, den loven hebbe ik em lovet.

Ok so breken dar ver ander segel, de dar nycht vor synt, de ghude lude synt thome Stokkesholme.

Aldus so seghede my her Eezeke unde Magnus, dat dat begrepen were in den deghedynghen, <weret>^[8] <weret>] mangler, A, weret, B. dat dar dre efte vere incgheseghele an entbreke, dede nycht to der stede weren^[9] weren] veren, A, weren, B. , dat id darumme nycht scholde nablyven, des schole gy em wol thostan, dat dar ik nynen undanck af scholde kryghen, den loven hebbe ik em ok ghelovet.

Ok alse^[10] alse] mangler, B. umme den luttiken bref, den her Hinric unde her Johan hadden vorsegelt tho Werdenborgh myt den anderen steden, dar <hadde>^[11] <hadde>] mangler, A, senere tilføjet i B. ik twe daghe noch^[12] noch] nůgh, B. myt her Eezeken tho d{ue}nde, eer ik ene van em kryghen konde.

Item so wetet, leven heren, dat de konyngh ut deme Sunde segelde up unser <leven>^[13] <leven>] mangler, A, leven, B. vrowen dagh assumpcionis^[14] vrowen dagh assumpcionis] dvs. 15. august 1435. myt 62 seghelen^[15] seghelen] seghele, A, seghelen, B. , dar mede weren 5 schepe myt vorcastelen, de weren nycht overrych grot, dar hadde he inne by^[16] by] mangler, B. 1600 manne, ghut unde quad.

Do he umme dat Valsterscherbode ref quam^[17] umme dat Valsterscherbode ref quam] umme - quam, A, umme dat ref quam tho Valsterbode, B. , do kregh he eyn groten storm van den westen, also quam he tho Calmer unde was dar 3 nacht.

Des ander^[18] ander] anders, B. mandaghes na unser vrowen daghe^[19] daghe] dvs. 22. august 1435. do segelde he Godland vorby myt 43 segel in twen vloten, unde hadde eyn starken wynt up de Scheren van den suden^[20] van den suden] mangler, B. .

Wo et em v{ue}rder is gheghan, dat kan hyr n{ue}ment weten^[21] weten] dat - weten, A, dat kan nument weten hyr in desseme lande, B. .

Unde hyr gheyt mengherleye ruchte, dorumme kan me nycht wars af scryven^[22] scryven] dorumme - scryven, A, dat me nycht vor war scryven kan, B. .

Unde wenne ik wat enckedes vorvare^[23] vorvare] weyt, B. , dat wyl ik jw wol benalen.

Unde nemet dat nycht vor unwyllen, dat <ik>^[24] <ik>] mangler, A, ik, B. jw nycht ere hebbe ghescreven, dat maket, dat ik so langhe to{ue}ede to Kopenhaven, darmede weren my de schepe entsegelt myt den norden wynde^[25] myt den norden wynde] mangler, B. .

<Hyrmede>^[26] <Hyrmede>] mangler, A. bedet aver my unde syd Gode bevolen.

Scriptum die Egydii, sub sigillo nostro.

Hinryc Grypeshorn.