Kong Henrik 4. af England pålægger sherifferne i London at frigive skrædderen John Denmarke, hvis han er arresteret. A: tabt — Aa: London, Public Record Office. C 54/256 membrane 26d. I marg. De supersedendo.
Tryk: Calendar of the Close Rolls 1405-09, 243.
Brevet er indført i kopibogen blandt brevene fra 1407.
Tekst efter
Aa:
Rex uicecomitibus Londonie/ salutem. ♦
Quia Thomas Hoggesone de Rigtona in comitatu
Eboracensi Iohannes Cordwaner Willelmus Smyth
et Thomas Richard de parochia sancti Botolphi
extra Aldrichegate Londonie coram nobis
in cancellaria nostra personaliter constituti
manuceperunt pro Iohanne Denmarke taillour
uidelicet quilibet eorum sub pena uiginti
librarum quod ipse dampnum uel malium aliquod
Iohanni Twyforde de comitatu Middlesexiensi
ac Willelmo Fouler de corporibus suis non
faciet nec fieri procurabit quam quidem summam
quilibet manucaptorum predictorum concessit
de terris et catllis suis ad opus nostrum
leuari si dampnum uel malium aliquod eisdem
Iohanni Twyforde et Willelmo Fouler per
prefatum Iohannem Denmarke uel procuracionem
suam eueniat ullo modo uobis precipimus quod
cuicumque securitati pacis eisdem Iohanni
Twyforde et Willelmo Fouler per prefatum
Iohannem Denmarke coram uobis inueniendo
supersedeatis omnino ♦ Et si ipsum Iohannem
Denmarke occasione predicta ceperitis tunc
ipsum a prisona qua sic detinetur si ea occasione
et non alia detineatur in eadem sine dilacione
deliberari faciatis per manucapcionem supradictam
♦ Teste rege apud Westmonasterium xi die
ianuarii.
— COPYRIGHT 2009, La Société pour l’Étude de la Langue et de la Littérature Danoises |