Compotus Henrici domini Lescrop de Masham de receptis et uadiis suis missi in quodam uiagio ex ordinacione consilii regis uersus partes Dacie in comitiua Philippe filie regis regine [Dacie] Norweye et Swecie anno vii^o per breue regis de priuato sigillo suo datum primo die februarii anno vii^o thesaurario baronibus et camerariis huius scaccarii directum irrotulatum in memorandis de termino sancti Hilarii eodem anno inter breuia directa baronibus rotulo iiii^to per quod breue rex mandauit prefatis thesaurario et baronibus quod debite computent cum prefato Henrico uel aliqua alia persona idonea nomine suo per sacramentum alterius eorum de dicto uiagio per ipsum Henricum facto ad partes predictas in comitiua predicte regine filie regis et de denariis regis per ipsum ob hanc causam receptis de Willelmo Loueneye thesaurario dicte filie regis pro uiagio predicto assignatis faciendo dicto Henrico debitam allocacionem de talibus uadiis diurnalibus de tempore quo extitit apud mare ad transferandum uersus partes predictas usque ad suum applicatum infra regnum Anglie qualia aliis status sui in uiagio predicto uel consimili racionabiliter allocata existunt certificando consilio regis id quod per regem in hac parte prefato Henrico per compotum suum deberi inueniatur <prefati thesaurius et camerarii Henrico solucionem habere faciant per manus> Walteri Slegyll attornati predicti Henrici sicut continetur in memorandis de termino et anno supradictis inter attornatum ex parte rememoratoris regis pro eo de huius receptis et uadiis ut infra ♦ [Idem reddit] compotum de c iiii^xx. ii libris receptis de predicto Willelmo Loueney thesaurario dicte domine regine super uadiis suis pro uno quarterio anni sicut continetur in quadam indentura inde inter predictum Henricum et prefatum [Willelmum] Loueney thesaurarium dicte Philippe regine filie regis facta xx die iulii anno vii^o regis huius super hunc compotum liberata et eciam in quadam cedula de particulis hic in thesauro liberata ♦ Summa recepte ciiii^xx. ii libre ♦ [Idem] computat in uadiis predicti Henrici baneretti proficiscendo in uiagio predicto in comitiua predicte Philippe regine uersus partes predictas uidelicet a xxv^to die iulii dicto anno vii^mo quo die dictus Henricus uenit paratus cum familia sua ad portum maris apud Lennam ad transfretandum in uiagio predicto ex ordinacione regis supradicti usque iiii^tum diem decembris [proximo] sequentem quo die arripuit de partibus predictis ad portum regis de Hulla scilicet eundo morando et redeundo per cxxxii dies ultimo die computato et non primo cclxiiii libras [re]cipientis per diem xl. solidos per predictum breue regis supra in titulo huius compoti annotatum sicut continetur in dicta cedula de particulis et sicut in huius uadiis allocantur Willelmo Herone domino de Say [eunti] in consimili uiagio regis ad partes exteras rotulo tercio rotulo compotorum ♦ Summa uadiorum cclxiiii. libre et habet superplusagium iiii^xxii. libras quod quidem superplusagium certificatur consilio regis viii^o die februarii anno viii^o una cum breui predicto indorsato cum superplusagio predicto.