Omnibus presens scriptum cernentibus Magnus Baath aduocatus Lundis Ionas Andersson proconsul Thrugillus Petri consul Iacobus Skøtta. Olauus Thrygilli et Thrygillus Gøtson ciues ibidem salutem in domino ♦ Constare uolumus uniuersis presentibus et futuris quod sub anno domini m^o.cd^o. septimo feria quinta ante dominicam quadragesime constitutus in placito nostro ciuili discretus uir Nicolaus Iønsson de Wæsum presentibus nobis et aliis pluribus fidedignis quendam fundum iuxta consistorium in orientali parte platee in parochia minoris ecclesie beate uirginis situatum quem quidem fundum de ecclesia beat<i> ¹ Martini iusto empcionis titulo acquisiuit cum omnibus et singulis pertinenciis suis et proprietatibus uidelicet spaciis et longitudinibus uenerabili capitulo ² Lundensi alienauit/ scotauit/ et in manus iuste et legaliter assignauit. iure. perpetuo possidendum recognoscens se plenum et sufficiens precium ab eodem capitulo pro dicto fundo integre subleuasse ita quod reddidit se contentum ♦ Insuper obligauit se et suos heredes ad apropriandum deliberandum. et disbrigandum memorato capitulo sepedictum fundum cum suis pertinenciis. ut premittitur. ab impeticionibus quorumcumque presencium et in posterum futurorum quod coram omnibus quorum intererit tenore presencium. ueraciter protestamur. ♦ In cuius rei testimonium sigillum predicti Nicolai de Wæsum una cum sigillis nostris presentibus est appensum. ♦ Datum anno die et loco supradictis.