Compotus Ricardi de Eboraco consanguinei regis de receptis et uadiis suis in quodam uiagio per ipsum facto eundo ex ordinacione regis regis uersus partes Dacie in comitiua regine Dacye filie regis anno vii^o regis huius per breue regis de priuata sigillo suo datum xvii^o die februarii anno viii^o thesaurario baronibus huius scaccarii directum et irrotulatum inter [breuia directa] baronibus de termino sancti Hillarii dicto anno viii^o per quod rex mandauit eisdem quod debite computent cum prefato Ricardo de Eboraco consanguineo regis uel cum alia [persona idonea] suo nomine per sacramentum unius uel alterius de uiagio quod idem Ricardus fecit eundo nuper de ordinacione regis uersus partes Dacye in comitiua carissime [filie] regis Philippe regine Dacye et de denariis regis per ipsum Ricardum receptis ex causa predicta de Willelmo Loueney thesaurario predicte filie regis pro uiagio supradicto per regem [assignato] faciendo eidem debitam allocacionem in hac parte de uadiis lxvi solidos viii denarios per diem de die quo dictus Ricardus discedebat de ciuitate regis Londonia ad [transfret]andum uersus partes predictas usque redditum suum ad ciuitatem predictam et de eo quod per predictum compotum prefato Ricardo per regem debitum inuenietur prefati thesaurarius et camerarii [Ricardo] solucionem habere faciant ut est iustum Baldewyni Weer scutiferi attornati predicti Ricardi sicut continetur in memorandis de termino sancti Hillarii dicto anno viii^o pro [.....] uidelicet de huius receptis et uadiis ut infra ♦ [Idem reddit com]potum de ccc iii libris vi solidis viii denariis per ipsum Ricardum receptis de prefato Willelmo Loueney thesaurario predicte Philippe regine Dacye et Sweycie assignato pro uadiis predicti Ricardi pro uno [.....] eunte in comitiua predicte regine uersus regna predicta pro complemento maritagii inter regem regnorum predictorum et dictam Philippam reginam [qu]andam indenturam inter prefatum Ricardum et predictum Willelmum inde confectum cuius datum est xvii^o die iulii anno vii^o super hunc compotum liberatum [et eciam in] quadam cedula de particulis in thesauro liberata ♦ Summa recepte ccciii libre vi solidi viii denarii ♦ [Idem comput]at in uadiis ipsius Ricardi ad lxvi solidos viii denarios per diem euntis in dicto uiagio ex ordinacione regis uersus predictas partes Dacye in comitiua predicte Philippe regine filie regis [pro complem]ento maritagii predicti uidelicet a vii^o die augusti dicto anno vii^o quo die dictus Ricardus discessit a ciuitate Londonia ad transfretandum uersus partes predictas ex causa [predicta usque] xviii diem decembris proximo sequentem quo die dictus Ricardus rediit ad ciuitatem predictam scilicet eundo morando et redeundo per cxxxvii dies neutro die computato ccccl .vi. libras [..... per] predictum breue supra in titulo huius compoti annotatum ac per sacramentum predicti Baldewyni attornati predicti Ricardi et sicut continetur in predicta cedula de particulis in thesauro liberata ♦ Summa uadiorum cccclvi. libre xiii solidi. iiii denarii ♦ Et habet de superplusagio cliii libras .vi. solidos .viii. denarios. De quibus habiturus [est .....] solucionem pretextu breuis regis de priuato sigillo annotati supra in titulo huius compoti ♦ Quod quidem breue liberatur thesaurario et camerariis ad receptam scaccarii xxviii^o die [.....].