Uniuersis ad quos presens scriptum peruenerit Abram Brothærsson miles. sinceram in domino dileccionem cum salute ♦ Alma mater ecclesia. quam sibi. sponsus supernus qui pro filiis hominum extat speciosus uinculo dileccionis associauit. necnon singulari libertatis priuilegio. orbi protulit uniuerso. uotiue prosperitatis successibus. gratuletur. et ut eius potestas longe lateque superni fauoris auxilio suffragante. in predicti sponsi laudem protendatur. temporalium bonorum possessionibus. per fidelium largiciones. merito extollatur ♦ Nuper siquidem ego Abraham Brothersson miles predictus ad sacrosanctam metropolitanam. Lundensem ecclesiam. specialem gerens dileccionem. in ipsa ecclesia. unam perpetuam uicariam uidelicet unum altare. ad honorem et laudem/ omnipotentis dei. et intemerate uirginis matris eius Marie/ consensu uenerabilis in Christo patris. domini Iacobi dei gracia archiepiscopi predicte Lundensis ecclesie. et capituli sui dilecti. ad hoc unanimiter et beniuole accedente. de nouo construi et fundari feceram. bonorum possessionibus et dotari. ita quod supra dictum altare qualibet die perpetuis temporibus. una missa. de domina. hora congrua. prout ibidem officianti. secundum qualitatem. aliorum officiorum in predicta ecclesia peragendorum melius et commodosius uidebitur expedire. diuina prouidencia disponente. irremisibiliter decantetur. ad cuius misse et altaris perpetuam perseuerenciam et sustentacionem. bona infrascripta. uidelicet. septem curias et unam fæstæ in Lockorpæ sitas. et unum molendinum in Saxtorpæ. quo bona. de Ploghpænning. emi item in Æmidhzløff septem curias cum molendino ibidem. et unam curiam in Knydhzlingæ ibi prope. cum omnibus istorum bonorum pertinenciis uidelicet agris pratis siluis paschuis. humidis. et siccis. demptis nullis. quocumque. et qualicumque nomine censeantur. que ad predicta bona spectant in parte uel in toto. a. me et heredibus meis. ad predictam uicariam dono scoto per presentes. libere et resigno. ♦ In qua uero uicaria. michi et heredibus meis. iuspatronatus et auctoritas presentandi penitus reseruetur. nisi diuina uoluntas ita ordinaret. quod post decessum meum nullus de cognacione mea remaneret. cui de iure in eadem uicaria ius patronatus competeret/ extunc predicte Lundensi ecclesie uenerabilis archiepiscopus. postmodum in perpetuum ipsi uicarie predicte dum uacauerit. de sacerdote ydoneo. qui in ipsa uicaria. missas cantatas. in omnibus ut premittitur debite peragat. collacione ordinaria. prouidebit. ♦ Cum autem nemo propriis stipendiis tenetur militare. eciam nostra qui spiritualia amministrat non. inmerito temporalia repertabit. protestor in hiis scriptis. ut sacerdos ydoneus. cui per me uel heredes meos. uel predicte Lundensis ecclesie ordinarium. si ius tale modo ut premittitur ad eum deuoluitur. de predicta uicaria prouisum fuerit. omnia predicta bona cum omnibus suis attinenciis. sub libera ordinacione sua et pro usibus suis in omnibus habeat et disponat. fructus et pensiones ac alios usus inde prouenientes subleuandi. propter quod idem sacerdos per se uel per alium loco sui. predictam missam de domina cottidie ut prefertur sine aliqua pretermissione decantabit. ♦ In cuius fundacionis et dotacionis firmiorem et certiorem euidenciam. sigillum meum uoluntarie et scienter. presentibus duxi inpendendum. rogans attente. reuerendum in Christo patrem. dominum Iacobum dei gracia predictum Lundensem archiepiscopum. ac uenerabile capitulum suum ibidem. dominos Swenonem Sturæ et Thuræ Stensson milites Swenonem Baad. et Petrum Niclæsson. ut sigilla sua presentibus apponere dignentur. in confirmacionem. et approbacionem omnium premissorum ♦ Datum anno domini m^o. quadringentesimo septimo. dominica. qua cantatur officium misericordia domini\