Omnibus presens scriptum cernentibus Iohannes Rampi ciuis Randrusiensis salutem in omnium saluatore ♦ Notum facio uniuersis presentibus et futuris quod recognosco me honorabili uiro latori presencium domini Iohanni Stigoti perpetuo uicario ecclesie Arusiensis omnem terram instauratam et desolatam quam inhabitat pronunc quidam Michael Skyttæ in parrochia sancti Olaui ad partem occidentalem Arws sitam cum omni iure hereditario michi aduoluto uendidisse alienasse et ad perpetuam possessionem scotasse per presentes et competens precium et pecuniam sufficientem ab eodem domino Iohanne totaliter percepisse terra pro eadem ♦ Insuper obligo me et heredes meos ad appropriandum et disbrigandum predicto domino Iohanni Stigson uel suis heredibus predictam ab impeticione quorumcumque ♦ In cuius rei testimonium sigillum meum una cum sigillis uirorum discretorum dominorum Nicolai Buze Eskilli Ione canonicorum Arusiensium Petri Skyttæ Erici Litlæ et Iohannis Petri ciuium ibidem presentibus est appensum ♦ Datum anno domini mcdvii die Tyburcii et Valeriani martirum beatorum\