Ericus dei gracia regnorum Dacie Swecie Norwegie Sclauorum Gothorumque rex et dux Pomeranensis/ omnibus presens scrip<tum cer>nentibus ¹ salutem in domino ♦ Noueritis quod sub anno domini millesimo cd^oseptimo tercia feria ante diem beati Georgii martiris Slaulosie in placito nostro iusticiario coram nobilibus uiris et discretis/dominis/ Petro dei gracia Roskildensis/ Iacobo eadem gracia Bergensis ecclesiarum episcopi<s> ² / Abraham Broderi/ Maghas ³ Mwnk/ Iohan Olaui/ Tydekino Molteke/ Iohanne Scarpenbergh/ Bernichino Schinkel/ militibus Gotscalco Godendorp et Iohanne Gørstinge et aliis pluribus fidedignis in multitudine copiosa. constitutus nobilis uir Claws de Lembek filius Hennechini Lembæk de Thyrningæ latori presencium illustrissime principi et domine domine Margarete dei gracia regnorum Dacie Swecie Norwegie etcetera regine/ domine et matri nostre carissime bona infrascripta. uidelicet. curiam et <f>ortalicium ⁴ Hwndsbæk cum molendino Nørreiucie sita/ cum uniuersis et singulis suis attinenciis ac eciam omnia et singula alia bona/ dictis curie et <f>ortalicio ⁵ necnon molendino adiacencia/ cum omnibus et singulis dictorum bonorum adiacenciis/ agris/ pratis/ pascuis/ siluis/ piscaturis humidis et siccis/ mobilibus et immobilibus nullis demptis quocumque nomine censeantur/ pro pleno <precio> ⁶ et sufficienti pecunia ad nutum suum actu iam perceptis nichil inde restanti/ mera uoluntate consilio et deliberacione amicorum suorum satis maturis scotauit/ assignauit/ alienauit et ad manus tradidit iure perpetuo possidenda/ nichil sibi uel heredibus suis/ iuris proprietatis/ possessionis uel dominii in premissis quomodolibet reseruato/ obligans se et heredes suos predicte domine regine Margarete heredibus suis et successoribus predicta bona omnia et singula et eorum quodlibet cum omnibus et singulis ipsorum bonorum pertinenciis/ apropriare/ liberare et disbrigare/ ab impeticione quorumcumque ♦ Datum anno/ die et loco superius memoratis nostro ad causas sub sigillo/ teste Iohanne Swensson Bryms iusticiario nostro.