Tekst efter A.
Omnibus presens scriptum cernentibus Jacobus Petri proconsul Roskildensis salutem in domino . ♦
Quoniam presentis vite condicio . statum habet instabilem . corrupcioni obnoxium . qui diatim (!) visibiliter tendit ad non esse . nichilque supererit homini de bonis transitoriis . nisi quod pie manus fideliter convertere studuerint in pios usus . ♦
Quod ego Jacobus predictus sollicite cogitans maturaque deliberacione revolvens cupiensque quantum mihi ex alto conceditur . bona transitoria felici commercio in eterna commutare et hic in terris seminare . quod postmodum cum multiplici fructu recolligere valeam in celis . ♦
Idcirco in omnipotentis dei . beate Marie virginis . sancti Lucii pape et martiris . et sancte Marie Magdalene honorem . anime mee et uxoris mee Lucie . necnon dilecti filii nostri Clementis pie memorie . animarumque parentum nostrorum pariter et heredum salutem et remedium . altari sancte Marie Magdalene in ecclesia Roskildensi fundato curiam meam cum domo lapidea quam pronunc inhabito . una cum taberna juxta forum in eadem curia sita . quam pronunc inhabitat quidam Johannes Gullsmeth . ♦ Item unum braxatorium . integrum . videlicet unam patellam de duodecim lagenis cum quatuor doleis . in magnitudine eidem patelle competentibus .♦ Item duas alias patellas braxatorias quas habet dominus Johannes de Brundby . ♦ Item unam aliam patellam eciam braxatoriam quam habet Tidericus sutor villanus Roskildensis . Item unam curiam villicalem in Rethersløff . michi inpigneratam per dominum Efrardum Molteke militem pie memorie . pro quatuordecim marchis argenti . expressa voluntate et consensu dilecte uxoris mee prescripte ad hoc accedente . pro perpetua possessione inter vivos dono, scoto et assigno per presentes cum condicionibus infrascriptis . videlicet quod possessor dicti altaris qui est vel qui pro tempore fuerit . omni septimana sex missas in remedium animarum nostrum supradictorum perpetuis temporibus faciat celebrari ♦ Ita tamen quod quamdiu ego et uxor mea predicta Lucia vixerimus . eadem bona omnia ut prescribitur . libere sub ordinacione nostra pro nostris usibus habeamus et in bono statu tenebimus conservata . et medio tempore easdem missas in eodem altari per nos et de sumptibus nostris faciamus celebrari . ♦ Post mortem vero nostram . dicta bona cum singulis suis pertinenciis et patellis dicto altari cedant perpetuo jure possidenda . sine reclamacione nostrorum heredum et aliorum quorumcunque . ♦ Hoc insuper proviso quod si dicta curia in Rethersløff nobis viventibus redempta fuerit . extunc pecunia pro qua redimitur . altari predicto cedat pro aliis bonis loco ejusdem curie subrogandis per possessorem dicti altaris fideliter acquirendis . ♦
Item ad omnia et singula suprascripta firmiter tenenda et inviolabiliter observanda necnon ad apropriandum et disbrigandum prescripti altaris possessori . qui est vel qui pro tempore fuerit . ipsam curiam cum bonis supradictis obligo me et meos heredes . reclamacione quorumcunque non obstante ♦
In cujus rei testimonium sigillum meum una cum sigillis reverendorum patrum et dominorum . videlicet . domini Petri dei gracia episcopi Roskildensis . et dilecti capituli sui . domini Benedicti abbatis in Æbelholt . necnon nobilis viri . Johannis Olavi de Hyldersholm presentibus est appensum . ♦
Datum Roskildis anno domini mocdoxiiio feria secunda . proxima post dominicam quasimodo geniti \ ♦
I perioden frem til 30. juni 2021 vil redaktionen udelukkende udarbejde tekster.