Tekst efter A.
Dit is de schade de den vnsen gescheen js dar wy nu vorscriuen . ♦
<1> Erst wart her Marten Jonssons knecht Mathias Thorgisson geuangen vnd iij perde genomen so gud alse sostich mark . dat deede Luttike Ghereke . Hans Clot . Jes Scutte . vnd Detleff Hottemunt . vnd is noch geuangen ♦
<2> Item Jes Sc{uo}tten wart syn pert genomen vor Flensborch . dat deeden Marquart Stubbenstorpes knechte ♦
<3> Item wart her Marten Jonssons knecht gegrepen geheten Jesse vnde sin pert genomen so gut alse xxiiij mark dat deede Detleff Hottenmunt vnde is noch geuangen ♦
<4> Item wart her Marten Jonssons knecht gegrepen Mattes Wreet vnd wart siin pert genomen so gud alz xxx . mark vnde js noch geuangen ♦
<5> Item[1] Claus Bondesson Marquart Breiden . vnd Sleetzen wart ut Sunderborch genomen alse sodane gud alz se in deme dorppe to Schelde hadden vnde dat deeden Palle Bondesson mit sinen hulperen . wo hogh dat se den schaden reekenen dat wete wy noch nicht ♦
<6> Item wart vnsen borgheren to Flensborch vnde den vnsen genomen to Eklenuørde[2] ere gud alz negen last heringhes ane ander gud ♦
<7> Item her Otte vame Knope her Elre Runnowen is dat ere genomen in deme lande to Holsten dat se reekenen vppe dree hundert mark we dat deede[3] dat hebben se jw[4] wol eer witlik gedaen ♦
<8> Item wart her Reymer Seesteden syn pert genomen dat deede Mickel ♦
<9> Item her Erik Krumendike is genomen dat kerspel to Schenenuelde dat gi suluen gedaen hefft alz he seght ♦
<10> Item wart her Swen Sture knecht Hans Clot gegrepen unde schatteden em aff mark[5] dat deede Hans Clot . ♦
<11> Item so wart vnseme bonden genomen en pert alse gud alse xij mark ♦
I perioden frem til 30. juni 2021 vil redaktionen udelukkende udarbejde tekster.