Tekst efter Aa. med rettelser fra Ab1.
Nos Ericus dei gracia regnorum Dacie Swecie Norwegie . Slavorum Gothorumque rex et dux Pomerensis[1] . universis et singulis presentes[2] conspecturis cupimus fore notum quod divinum cultum ampliare satagentes de consensu reverendi in Christo patris et[3] domini domini Johannis episcopi Sleswicensis honorabilibus viris ac dominis cantori . totique capitulo ecclesie beate Marie in Hathersleff[4] dicte Sleswicensis dyocesis concedimus damus donamus et quantum in nobis est incorporamus juspatronatus quod in ecclesia Øsby dicte dyocesis ad nos spectare dinoscitur proviso quod nos in dicta ecclesia collegiata[5] ad unum[6] canonicatum et prebendam pro quibus meliorandis hujusmodi donacio facta est presentacio ad nos et successores nostros spectare noscatur[7] / <et institucio>[8] et confirmacio ad dominum episcopum antefatum ut est moris supplicantes devote sanctissimi domini nostri Johannis xxiii sanctitati[9] ut hujusmodi incorporacionem confirmare dignetur meliori modo et forma quibus fieri poterit juxta canonum sanxiones . cathedratico et aliis juribus episcopalibus et prepositi semper salvis ♦
Datum in castro nostro Helsingburgh[10] . anno domini millesimo quadringentesimo <decimo> quarto[11] in profesto <purificacionis>[12] beate Marie virginis nostro sub secreto presentibus appenso . ♦
I perioden frem til 30. juni 2021 vil redaktionen udelukkende udarbejde tekster.