Егsamen leuen vrunde.
Juwen breff, alze gy scriuen, dat gy synt warliken borichtet, wo etlike zerouere zyk vp de zee vth der holden syden ghemaket hebben etcetera, hebbe wy wol uornamen vnde hebben myd vnsen vrunden, den van Rostok, den de van deme Sunde des ghelijk to kennende gheuen, daran gespraken, vnde zee v{oe}rgheuen, wor zee iruaren hadden, dat de suluen zerouere van her Ywen Bruzeken ghetøuet vnde an syne venghnisse vnde sløte ghe drenghet syn.
Hirvmme dunket en vnde vns nutte wesen, dat wy id to ener tijd vorbeyden, voruorende, eft zyk dat myd her Ywenen , alze vorscreuen ys, alzo in der warde zo voruolghe.
Were des ok nicht, wes en vnde vns denne darto børd to dønde, dat wille wy gerne d{oe}n myd allen vlyte.
Wes jw hirane to wetende werd, dat gheuet vns to kennende, dat wy vns darna moghen weten to rychtende etcetera.
Scriptum in crastino gloriosissime virginis Marie.
I perioden frem til 30. juni 2021 vil redaktionen udelukkende udarbejde tekster.