1418. 19. juni. Gottorp

Tekst

Post salutacionem^[1] Post salutacionem] kun i Ac. .

Ersamen guden vrunde.

Also gii uns hebben gescreven, dat gii enes gedregen hebben, dat gii, Gode to love und umme des menen besten willen, senden willen uppe den dach to sunte Johannis dage to middensomere negest volgende to Sleswik, umme der sehelinge und twidracht willen twisschen dem koninge und uns wesende, dar to truweliken to helpende, dat de vorscreven schelinge an rechte edder an vruntscop gesleten moge werden, also verne de jennen, de gii dar sendende werden unde de se mit sik bringen uppe den vorscreven dach, mogen zeker unde velich wesen vor uns und vor den unsen, und des geliik ok de yennen, de jw^[2] jw] jw, Ab; uns, Aa, Ac og Ad. bynnen dem dage vorsokende werden etcetera.

Leven vrunde, des bedanke wii jw vruntliken, und bidden jw to wetende, dat alle de yennen, de gii uppe den vorscreven dach to Sleswik und to Gottorpe sendende werden, und de yennen, de se mit sik bringet und de jw bynnen dem dage vorsokende werden, scolen zeker und velich wesen, sunder alle arch, beide to watere und to lande, vor uns und alle den yennen, de umme unsen willen don und laten willen.

Wii bevelen jw Gode.

Screven^[3] Screven] Screven, Aa, Ab og Ac; Geven, Ad. to Gottorpe des sondages na Viti under unsem ingesegel^[4] under unsem ingesegel] mangler i Aa. 18^[5] 18] kun i Ad. .