Udtog efter Scheidt l.l.
Van Gades gnaden wy Hinrick hertoge tho Sleswig, greue tho Holsten, tho Stormeren vnde tho Schowenborch bekennen apenbare vor allesweme, dat wy vns frundtlichen vorenet vnde vordragen hebben mit deme hochgebornen fursten vnde herren, herrn Ericke , hertogen tho Sassen, tho Engern vnd tho Westualen, vnde korforste vnd marschalck des Hilligen Rickes, sinen broderen vnd sinen eruen, vnsen leuen ohemen, eren landen vnd inwonern, vmme allen vnwillen vnde schelingen, de twischen vns, vnsen landen vnd inwonern gewest hefft, dar wy vmme tho der veide kamen weren, also, dat alle veide vnd vorscreuene schelinge, vnde allerley schade, dat sy in roue, effte in brande, vnd wo men dit menliken benomen mach, de in der vorbenomeden veide, vor edder na, geschehen syn, genslicken nedder gelecht syn, tho einer gantzen vasten sone vnde frede, vp beseggend vnser beider rede an recht, effte an frundtschop, dar wy des an beyden syden tho ghan sin, vnde gentzliken by en gebleuen sin.
[.....]
Vnde desse vereninge vnde vorbundt schal anstan van stunden an na giffte desses breues, vnd vorth waren teyn vmmeghande iar, de nu erst volgende sint.
[.....]
Des tho groter wittlicheit hebbe wy hertog Hinrich vorbenomet vnse ingesegell mit wittschop vnde wolberademe mode an dessen breff gehenget laten, de gegeuen vnd schreuen is an vnsem kloster tho Reinefelde, na Gades bort verteinhundert iar, darna an dem achteinden iare, an dem dage sunte Iohannis, also em dat houet affgeschlagen wardt.
I perioden frem til 30. juni 2021 vil redaktionen udelukkende udarbejde tekster.