Tekst og arkivalske oplysninger efter APD l.l.
Supplicat Magnus Gotonis presbiter Lundensis, quatenus sibi de perpetua vicaria ad capellam s. Dionysii in ecclesia Lundensi [fructus 8 mr.], que ex eo vacat, quod quidam Johannes Nicolai presbiter illam obtinens canonicatum et prebendam in eadem ecclesia pacifice est assecutus, quos, obstantibus jure canonico et consuetudine ejusdem ecclesie, nequit licite insimul retinere, dignemini providere, non obstantibus parrochiali ecclesia de Goderslef Lundensis diocesis, quam pacifice obtinet, ac quadam vicaria, quam obtinet in predicta ecclesia Lundensi, quam paratus est dimittere [omnium fructus 5 mr.].
[Fiat . . . O.]
[Datum Florentie 3. non. julii anno 2.]
I perioden frem til 30. juni 2021 vil redaktionen udelukkende udarbejde tekster.