Tekst efter UBStL l.l.
Vruntliken gr{uo}t.
Wetet, guden vrunde, dat my de bre{ue}e[1] quemen alse dalling, de mynes heren gnade hebben schal, vnde de wil ik gerne v{oe}rdan vorderen, des eersten des ik kan, doch so vorm{ov}de ik my, dat ik se mynem heren nicht benalen kan eer n{uo} an sondage v{oe}rd o{uo}er VIII dagen edder vmme de tiid, darna wil ik j{uo} een antwerd darvan schicken, des eersten des ik kan.
Ok alse gi scriuen, wo de hertoge den togrepe st{uo}ren wil, dat wil ik hiir ok scri{uo}en, des besten des ik kan, bet also lange, dat j{uo} myn here dar wes af scrift vnde gi een antwerde van eme krigen.
Ok alse gi scriuen vmme Tarnevitzen , mynes heren gnaden witlik to donde, wes juwe vrunde van Lubeke ouerbodich weren wedder em, deme wil ik so gerne d{oe}n, vnde wil sinen gnaden seggen, alse ik h{oe}rde.
Ok alse gi scriuen dat to bestellende, dat Tarnevitze nynen togrepe do, des wetet, dat he hiir nicht en is, d{ae}rvmme kan ik dat nicht myt em bestellen, men wolde he is my geh{oe}rd hebben, so ne scholde he juwe vyend nicht geworden wesen, vnde he[2] schal j{uo} ok nicht beschedigen hiir vth desser jegene edder dar in, d{ae}r ik dat keren kan.
Gode sijd beuolen.
Screuen to Runtofte, des m{ae}ndages na deme dage sancti Michaelis archangeli, meo sub sigillo.
Eric Crummedijk , ridder.
I perioden frem til 30. juni 2021 vil redaktionen udelukkende udarbejde tekster.