Tekst efter Dipl. Norv. l.l.
Beatissime pater, dudum[1] s. v. de prepositura ecclesie Roskildensis per promocionem Johannis Jacobi olim prepositi ejusdem ecclesie Roskildensis et canonici Lundensis ad ecclesiam Ausluensem promoti cum illam per munus concecracionis de consecrandis episcopis a jure diffinitum seu lapsum temporis eciam vacare contingeret cuidam Olavo Jacobi cantori ecclesie Lundensis mandaverit[2] provideri, verum pater sancte cum canonicatus et prebenda ac cantoria ecclesie Lundensis que quidem cantoria juxta statuta dicte ecclesie Lundensis non potest obtineri nisi ipsam cantoriam obtinens prius canonicus dicte ecclesie existat causis predictis sperantur vacare, supplicat igitur e. s. v. Nicholaus Johannis de Leys litterarum sacre penitenciarie s. v. scriptor, quatenus sibi specialem graciam faciendo de canonicatu et prebenda quorum quique per promocionem prefati [Johannis] Jacobi et munus consecracionis impendendum eidem vel lapsu temporis eciam necnon de cantoria ecclesie Lundensis predicta cujus septem marcharum argenti fructus etc. secundum communem extimacionem valorem an. non excedunt per assecucionem dicte prepositure vacantibus vel dum vacabunt eciam si alias quovis modo et per quamcumque personam preterquam per obitum ipsorum promoti et Olavi seu per constitucionem Execrabilis vacent aut ipsos vacare contingat ac cantoria ipsa curata et dignitas electiva existat ipsique canonicatus et prebenda ac cantoria generaliter vel specialiter reservati litigiosi vel affecti existant eidem Nicholao dignemini misericorditer providere non obstante quod dictus Nicholaus obtinet canonicatus et prebendas in basilica principis apostolorum et in ecclesiis Cosme et Damiani et sancti Adriani de Urbe, quorum fructus etcetera centum florenorum auri secundum communem extimacionem valorem annuum non excedunt et aliis quibuscumque non obstantibus et clausulis oportunis.
Signantes ut petitur de utroque. Fiat ut petitur de cantoria et de canonicatu sub expectacione prebende O. Fiat.
Datum Florencie tercio idus julii anno tercio.
I perioden frem til 30. juni 2021 vil redaktionen udelukkende udarbejde tekster.