Tekst efter Aa1.
Die mercurii decima mensis may venerabilis vir dominus Nicolaus Sachow et Marquardus canonicus Sleswicensis nuncii prefati illustris domini Hinrici ducis exhibuerunt eidem domino Ludovico commissario in domo sue residencie in Flensborgh interrogatoria sua, super quibus pecierunt testes partis adverse interrogari, quos idem dominus commissarius admisit sic, si et in quantum de jure ac illa correxit. Quorum interrogatoriorum tenor inseritur. Et insuper dixit et protestatum est, eisdem nunciis presentibus et intelligentibus, quod ipse isto die paratus est ire vel mittere ad Sleswik ad recipiendum jura et testes partis illustris domini Hinrici, si qua producere volunt, si sibi provideatur de equis necessariis et salvo conductu procuratoris illustrissimi domini regis Dacie, et protestatum, quod per eum non stat neque stabit. Quorum interrogatorum, ut supra, exhibitorum tenor talis est: ♦
Interrogata pro parte illustrissimi domini Hinrici ducis Sleswicensis. ♦
Primo interrogetur quilibet testium, an sic sub dicione regis Dacie. ♦
Item quam partem maluerint triumphare in suprascripta causa, vel regem vel duces, et an cum contestibus condixerit de testimonio ferendo. ♦
Item an scierit vel audierit ipse testis, quod ducatus Sleswicensis sive Jucie australis sit specialis ducatus et consuevit habere ducem specialem ab antiquo, et Gottorp et alia, nunc dominus rex Dacie petit, sunt pars istius ducatus. ♦
Item an ne ipse testis sciat vel audierit, quod pater dominorum ducum et Holsacie comitum modernorum fuit per quondam dominum regem Dacie predecessorem moderni domini regis immediatum in castro Nyeborgh solenniter cum vexillo infeudatus de ducatu predicto. ♦
Item an ne sciat vel audierit, quod dominus Ericus rex modernus in opido Assensen in primordio suo semel recepit homagium a patre ducum modernorum seu duce Gerardo et confirmaverit eum in ducatu. ♦
Item an ne sciat vel audierit, quod tutores ducum modernorum dicto tempore petierunt, se nomine pupillorum infeudari. ♦
Et an ne dominus Hinricus dux modernus senior statim cum ad annos discrecionis pervenerit, pluries peciit, se proprio et fratrum nomine infeudari de ducatu predicto per dominum regem modernum. ♦
I perioden frem til 30. juni 2021 vil redaktionen udelukkende udarbejde tekster.