1424. 7. september.

Evert, præst, skænker et breviarium og 20 lod sølv til korvikarerne i Ribe domkirke til gengæld for afholdelse af to årlige sjælemesser med uddeling for ham selv og hans forfædre.

Sprog: latin.

Forlæg A:

Tryk: Terpager 161; Kinch, Ribe Bys Hist. I 290 (dansk oversættelse); Kilder til Danmarks Møntvæsen III 15, nr. 668 (udtog); Nyrop, Den danske Boghandels Hist. I 44-5 (dansk udtog efter Kinch); Rep. nr. 6137; Reg. Dan. nr. 3433*.

Bemærkning: Trykket hos Terpager synes at gengive et særligt skilletegn med -|. og -|-, hvilket her er gengivet med \.

Split Normal

Tekst efter Terpager l.l.

Tekst

Noverint universi presentes et futuri, quod ego Everhardus presbyter sub anno m^ocd^oxx^o quarto profesto nativitatis beate Marie virginis sanus et incolumis ex deliberato animo dedi et scotavi vicariis chori Ripensis xx uncias argenti \ id est XX lood silff et breviarium meum pro anniversario parentum meorum et proprio post mortem meam bis in anno tenendo cum missis et vigiliis. videlicet in proxima integra septimana post festum beati Michaelis et quasimodogeniti. cum numerus vicariorum fuerit completus. quam diu sint possunt habere viii sol. currentis monete ad duplicem distributionem vid. in estate et hyeme tali condicione quod habeam breviarium predictum in possessione ad dies meos et dabo annuatim vicariis unam marcham pro conductu pro prefatis binis anniversariis tenendis.

Item si contigerit post mortem meam quod sacrista et notarius qui protunc fuerint, predictum breviarium posita cautione alicui presbytero conducere non potuerint. tunc consilio ceterorum vicariorum vendant cuicunque carius potuerint. pro moneta durabili et precium ejus servent pro distributione annuali ut prefertur.

Item conductu et precio prenotati breviarii consumptis argentum non vendant uno anno in simul et ex toto. sed quantum sufficit ad distributionem bis in anno \ pro una marcha. quia tutius servatur argentum quam moneta.

Item hoc adjecto heredibus meis exclusis si placuerit mihi soli redimere prefatas xx uncias argenti \ xx lood silff quod non carius redimam. quam quamlibet lood pro viii sol. lys.^[1] lys.] Sandsynligvis fejl for lyb. currentes^[2] currentes] = currentis. et dativæ monete in Dacia collectim vel divisim.

Hec predicta sc. breviarium et argentum commisi discretis viris domino Nicholao Petri notario et domino Nicholao Mathie sacriste ad manus fidelitatis. ut predicta prevideant et ordinate distribuant. pro ut saluti fidelium animarum viderint expedire.

Item si contigerit per aliquod infortunium quod absit quod predictum breviarium perdidero vel destruxero, tunc obligo me et heredes meos in x marchis usualis monete teneri vicariis Ripensibus prenotatis.

In cujus rei testimonium sigillum meum una cum sigillis discretorum dominorum Johannis Mathie et Esgeri Lassen presbyterorum presentibus est appensum.

Datum anno et die supradictis.

1. lys.] Sandsynligvis fejl for lyb. 2. currentes] = currentis.

Oversættelse

I perioden frem til 30. juni 2021 vil redaktionen udelukkende udarbejde tekster.