Tekst og arkivalske oplysninger efter APD l.l.
.. Episcopo Adriensi et .. abbati monasterii in Colbas Caminensis diocesis ac archidiacono Rostockcensi in ecclesia Zwerinensi.
Exhibita nobis pro parte .. Johannis Croeger presbiteri Caminensis diocesis petitio continebat, quod olim ipse in causa per eum contra .. Arnoldum Sveni , qui se gerit pro rectore parrochialis ecclesie in Karczeneniteze (!) Roskildensis diocesis super quibusdam auri et argenti quantitatibus ad ipsum Johannem legitime pertinentibus et ei furtive subtractis tunc expressis mota et in palatio apostolico coram diversis dicti palatii auditoribus ex commissionibus nostris diutius ventilata idem Johannes pro se et contra dictum Arnoldum unam diffinitivam, per quam inter alia due diffinitive sententie prius contra ipsum Johannem et pro prefato Arnoldo in eadem causa perperam late revocate .. dictusque Arnoldus in dictis quantitatibus et expensis in hujusmodi causa legitime factis condemnatus extiterant, sententiam reportavit et super executione dicte pro eo late sententie, que nulla provocatione suspensa in rem transivit judicatam, ac restitutione quantitatum et satisfactione expensarum hujusmodi, que quidem expense ad certam florenorum summam taxate fuerunt, nostras ad vos sub certa forma litteras impetravit.
Cum autem, sicut eadem petitio subjungebat, prefatus Johannes dubitet, quod dictus Arnoldus hujusmodi pro eo late sententie parere non velit, pro parte ipsius Johannis nobis fuit humiliter supplicatum, ut providere ei oportune de benignitate apostolica dignaremur.
Nos itaque .. discretioni vestre per apostolica scripta mandamus, quatinus[1] vos vel duo aut unus vestrum ... ad executionem dictarum litterarum procedentes legitimis super hiis per vos habendis servatis processibus eos, quotiens expedierit, aggravare curetis .....
Datum Rome 13. kal. maji anno 9.
I perioden frem til 30. juni 2021 vil redaktionen udelukkende udarbejde tekster.