1426. 2. juni . Bornhöved


Joachim og Benedictus v. Kühren sælger med de slesvigske hertuger Heinrich, Adolf og Gerhards samtykke landsbyen Meynerstorp til Johann (Schele), biskop i Lübeck, for 474 mark i gode lybske penninge.

Udtog efter Lünig l.l.

Tekst

Alle denghennen, de dessen breff seen, edder h{oe}ren lessen, don witlick wy Joachim und Benedictus von Kuren , brodere, knapen, in deme lande to Holsten, dat wy mit wolberaden mode von vrigem willen, und mit vulbord unser gnedigen herren[a], herrn Hinrick , Adolph , unde Gerhardes , hertoghen to Sleszwyck, und greven tho Holsten, Stormern, und to Schowenborch, und all unser erven[1] und vrunde, hebben rechtes und redeliches kopes verkoft, und verkopen in krafft desses breffes, dat gantze dorp to Meynerstorpe, belegen in deme kerspele to Plone in deme sticht to L{ue}beck, mit all synen husinghen, koten, burschoppen, ackern, weyden, wyschen, wateren, d{ue}cken und holtungen, weghen, unweghen und brocken, rechticheyden und tobehoringhe, droghe und nat, edder wo se syn, in dessulven dorpes schedinghen beleghen und uterken, myt alleme rechte und gerichte, hocheme und sydesten, inhalts und in hand und mit aller vryheyt, nichtes udghenommen, also uns dat toghehort heft, deme erwerdighen in God vader und herren, herrn Johanne , bischoppe der kerken to L{ue}becke und synen nakomlingen[2] und al denghennigen, de dessen bref myt synen willen werden hebbende edder hebben, se syn geystlich edder werlick, vor veerhundert und veer und seventich marcke guder l{ue}bescher pfenninghe, de wy to der noghe in reden betelleden ghelde van dem vorscreven kopere upgheboret unde in use notroft ghekeret hebben.

[.....]

Des to tuchnisse hebbe wy Jochim und Benedictus broder, vorbenomed[3] use jngheseghele gehenghet an dessen bref, de ghescreven[4] ys, domen schref na Godes bort veerteynhundert und ses unde twintych jare, des sondaghes na der hilgen dryervaldichheyt daghe, uppe deme vyrde to Bornehouede[5] .

1. erven] Lünig l.l. læser her erben. 2. nakomlingen] nackomlingen, Lünig l.l. 3. vorbenomed] Lünig l.l. læser vorbenennte. 4. ghescreven] herfor læser Lünig l.l. fejlagtigt ghestrenen. 5. Bornehouede] herfor læser Lünig l.l. fejlagtigt Bornehonede.
a. mit vulbord unser gnedigen herren] jf. de slesvigske hertugers bekræftelse af salget, DD 1426. 2. jun., nr. 14260602003.

Oversættelse

I perioden frem til 30. juni 2021 vil redaktionen udelukkende udarbejde tekster.