1426. 2. juni . Bornhöved


De slesvigske hertuger Heinrich, Adolf og Gerhard bekræfter Joachim og Benedictus v. Kührens salg af landsbyen Meynerstorp til Johann (Schele), biskop i Lübeck.

Udtog efter Lünig l.l.

Tekst

Hinrich , Adolph unde Gherd , brodere, hertoghen to Sleswick, greven to Holsten, Stormern und Schowenborck, bekennen und bet{ue}ghen openbare in desem breve, dat de d{ue}chtighen knapen, unse man, Joachim und Benedictus van Kuren , brodere, mit wolberaden mode[1] , und mit vrigem willen und unser und erer erven und vrunde vulbort hebben rechtes unde redelickes kopes verkoft und verkopen, in krafft desses breves, dat gantze dorp to Meynerstorpe beleghen in deme kerspele to Plone, in deme stichte to L{ue}becke, mit al synen husinghen, koten, burschoppen, ackeren, weyden, wyschen, watern, d{ue}cken und holtinghen, weghen, unweghen, brucken, rechtigheyden und tobehoringhen, droghe und nat, edder wo se syn, in dessulven dorpes schedinghen beleghen und uterken, myt alleme rechte und richte hoghem und sydestem in hant in hals, und myt aller vryheit, nichtes utgenommen, also dat en toghehort heft dem erwerdyghen in God vadere und herrn, herrn Johanne , bischoppe der kerken to Lubeck, und synen nakomelynghen, und al denghennen, de dessen bref myt syneme edder syn nakomelinghe[2] willen hebbende werden, edder hebben, se syn ghestlick edder werlick, vor veerhundert und veer und sowentig marck guter lubescher penninghe, de Joachim unde Benedictus vorbenomed[3] in reden tellende ghelde van dem vorscreven[4] kopere upgheboret und ere nut und notrofft gekehret hebben.

[.....]

Al desse vorscrevene st{ue}cke volborden und belenen wy Hinrick Alph[5] und Gerd , hertoghen vorbenomed[6] , und des to tuchenisse hebbe wy unse jngheseghele henghen laten an dessen breff, de ghescreven ys, do men screv na Godes bort veerteynhundert und ses und twyntich jare, des sontages na der hilghen dryervaldichkeyt daghe, uppe dem vyrde to Bornehovede.

1. mode] mode mangler hos Lünig l.l.; jf. DD 1426. 2. jun., nr. 14260602003. 2. nakomelinghe] nackomelinghe, Lünig l.l. 3. vorbenomed] Lünig l.l. læser vorbenente. 4. vorscreven] Lünig l.l. læser vorscrebene. 6. vorbenomed] Lünig l.l. læser vorbenennte.

Oversættelse

I perioden frem til 30. juni 2021 vil redaktionen udelukkende udarbejde tekster.