Tekst efter A.
Wetet jrluchtegede hochgeborene vorste her Eryk der ryke Dennemarken Sweden Norwegen[1] der[2] Wenden vnd Ghothen koningh vnd hertoghe to Pomeren dat wij borgermestere rad vnd borgere gemenliken vnd jnwoneren der stad[3] Buxtehude mit vnsen hulperen willen iuwe juwen ryken vnd iuwer ryke vndersaten vnd jnwoneren wo men de benomen mach vyende wesen vmme der ersamen heren vnd vnser vrunde der rede[4] vnde borghere der stede willen Lubeke Hamborch Luneborch Rostek Wysmar vnd Stralessund etcetera vnd dar vmme dat gi den copman der dudeschen hense dar wij mede to[5] horen swarliken beschediget vnd vor vnrechtiget hebben beschedegen vnd vor vnrechten vnd de juwen[6] beschedigen vnd vorvnrechten laten in juwen ryken vnd beden teghen priuilegia vnd wonheyde de van juwen vorvaren gheuen vnd bezeghelt vnd van iu suluen gestediget sin ♦
Vnd wij willen des alle vnd vnser eyn jewelk besundern myt vnsen hulperen vnse ere an iw vnd den juwen to goden tyden wol vorward hebben ♦
Screuen na Godes bord verteynhundert iar dar na indem souenvndetwintighesten jare des sondaghes na[7] mydvasten alzo men singhet letare vnd hebben des to ener warheyt vnse jnghezeghel gedrucket[8] neghest der schrift jndessen bref ♦
I perioden frem til 30. juni 2021 vil redaktionen udelukkende udarbejde tekster.