Udtog efter Rep. l.l.
Wy Nicolaus bisschop tho Schleszwigh loben, dat der hilligenn kercken schlott Schwaffstede schall hertogen Alves unnd hertogenn Gerdes tho Schleszwigh opene schlott wesenn in krighe, dahr dat schlott unnsen gnedigen herrn erbenømbd tho behoeff erer lannde unnd lüde tho denen mach.
Och schole wy hebben enen gudenn man, de den hertogen vor unns unnde mit unns loue, dat van den vorschreuen schlate en van der denen wegen, de wile dat disze kriegh is twischen dem konige van Dennemarcken unnd unnsen herrn vorschreuen, neen schade schulle scheen, den were dat dat schlott bestallet unnd unns mit macht affgewuhnnen würde wedder unnsen willen.
Were ock, dat unnser tho kort worde, schall de gude man, de unnse borch denne heft, unsen gnedigen herrn holden ene truwe hannd.
Vortmer schole wy unnse gnedigen herrn holden leddigh vor alle ansprake, de de vann Hamborch mit rechte hebben uppe dat schlott.
Unnse ingesegel.
Geuen an dem daghe Valentini.
I perioden frem til 30. juni 2021 vil redaktionen udelukkende udarbejde tekster.