1431. 14. februar.

De slesvigske hertuger Adolf og Gerhard forlener deres mand og tjener Claus v. Koden med gården Melvedgård og landsbyen Melved i Svenstrup sogn på Als for en toårig periode.

Sprog: middelnedertysk.

Forlæg A: Tabt.

Forlæg Aa: København, RA, Tyske Kancelli, Slesvig-holsten-lauenburgske Kancelli, Registrum Christierni Primi. Papir.

Forlæg Ab: Kiel, Universitätsbibliothek Kiel, Registrum König Christian des Ersten. Papir. Med overskrift: Item enen breff gegeven Clawes van Koden oppe den hoff Medelwitgarde mit deme dorpe Medelwith des he unde syne erven brukeden twe jar unde darna nam hartich Alff den hoff wedder in unde gaff eme twehundert marck alse erer twier vulbort was alse de breff dat clarliken uthwiset.

Tryk: Urkundensamml. d. schlesw.-holst.-lauenb. Gesellsch., bd. IV (= Registrum Chr. primi, ed. Hille), nr. 282, p. 387-388; Rep. nr. 6483; Reg. Dan. nr. *4899.

Split Normal

Tekst efter Urkundensamml. l.l.

Tekst

Wii Alff unde Gherd van Gots gnaden hertogen to Sleszwig etcetera don witlick alle den jennen de dessen breff zeen edder horen lesen, dat wii mit gudeme willen unde wolberademe mode vor uns unde vor unse erven unseme manne unde dener Clawes van Koden umme sines truwen denstes willen hebben vorlenet unde vorlenen in desseme breve unsen hoff Medelwidgarde mit deme dorpe Medelwyt myt aller tobehoringen, alse de sulve hoff unde dorppe in al syner scheden uppe Alsen is belegen in deme kerspel to Swenstorppe, myt acker buwet unde ungebuwet myt wisschen unde weyden mit visscherye unde holtinge unde mit aller rechticheyt.

Dessen hoff unde dorppe mit erer tobehoringe erbenomed schal Clawes vorscreven unde sine erven hebben unde beholden van nu an na giffte desses breves wente to sunte Mertens dage negest to komende vort over twe jar vry unbeworen unde ungehindert vor uns unde vor unse amptluden.

Wanner desse vorbenomede tiid vorkomen is, wille wii edder unse erven deme Clawese edder sinen erven des hoves unde gudes lenger nicht gunnen to brukende, so scholen wii unde willen edder unse erven eme edder sinen erven to dancke unde to willen geven II^c lubescher mark penninge, er wii ene edder sine erven uth deme hove edder gude wedder wisen edder setten.

Wert over dat wii edder unse erven eme edder sinen erven de II^c marck nicht entrichteden wan de vorscreven tiid vorlopen were, unde Clawes erbenomed unde sine erven den sulven hoff unde gud in syner were behelden wente to deme negest volgende wynnachten de twelff nacht al uth, wanner wii denne edder unse erven den sulven unsen hoff unde gud van Clawese edder sinen erven wedder hebben willen, so schole wii unde willen edder unse erven eme edder sinen erven dat tovoren vorkundigen unde toseggen in den achtedagen sunte Johannis to middensommer.

To negest sunte Mertensdage na der vorkundinge edder in den achtedagen sunte Mertens schole wii unde willen edder unse erven Clawese van Koden edder sinen erven II^c lubescher marck entrichten wol to dancke unvortogert sunder alle hulperede.

Alle desse vorscreven stucke lave wii Alff unde Gherd hertogen etcetera vor uns unde vor unse erven deme erbenomeden Clawese van Koden edder sinen erven in guden truwen stede unde vast sunder alle list to holdende; unde hebben des to tuge unse ingesegel witliken unde mit wolberademe mode heten hengen vor dessen breff na Godes bort XIIII^c jar darna in deme XXXI in die Valentini.

Oversættelse

I perioden frem til 30. juni 2021 vil redaktionen udelukkende udarbejde tekster.