1432. 5. juni.

Tekst

Vor alle den ghennen de dessen breff zeen edder horen lezen bekennen und betügen wy bunden vnde mene herredeslude wonaftighe in N{ue}herde openbar in desseme bre{uv}e dat na der bord Cristi verteynhundert iar dar na an deme ene vnde dr{ue}ttigesten iare des donnerdages na alle Godes hilghen daghe do quam de erbare man Henningh van deme Haghen bynnen den veer dinghstokken to N{uo}herde vnde vraghede den menen herdesluden wo vro Eybe Krumskoppesche de Hartich Krumkoppen h{ue}svrowe gheweset hadde . by dat gude komen were dat Hartich Krumkoppen zeligher dechtnisze ghehoret hadde . ♦ Des stund vp de herdesvoget mit rade der menen herdesluden vnde nomede enen bescheden bedderuen man de dar nomede vort vth twelue bescheden bedder{uv}e herdesbunden de ghinghen vth vnde bespreken syk vnde q{uv}emen wedder in de veer vorbenomeden dinghstocken . vnde seden dat vor eyn recht dat Hartich Krumkoppe vorbenomed to ener tijd q{uv}am bynnen veer dinghstocken to N{uo}herde vnde schotede Anders Jwerson alle syn g{ue}d dat he in Anghelen hadde myt aller rechticheyt vnde tobehoringhe vor eyn erff schote . do sulues van stunden an zettede Anders J{uv}erson deme erbenomeden Hartighen Krumkoppe dat sulue gud wedder to eneme brukelken pande vor seshundert lübischer mark penninge ♦

To dersuluen tijd nam Hartich Krumkoppe den s{uv}luen soden vnde stok vnde zettede vro Eyben vorbenomed syner h{uv}svrowen dat s{ue}lue vorscreuen^[1] vorscreuen] det første e er tilføjet over linjen i A. gud vort an to eneme br{ue}kelken pande vor den vorscreuen^[2] vorscreuen] det første e er tilføjet over linjen i A. summen gheldes alze is seshundert mark lubische penninge ♦

Des quem dar na vro Eybe vorbenomed bynnen den vorscreuen veer dingstocken to N{ue}herde vnde zettede dat s{ue}lue gud vorbenomed deme erbaren manne Henning van deme Haghen vnde synen er{uv}en mit aller rechticheit vnde tobehoringhe to eneme br{uo}kelken pande vor sesz hundert^[3] hundert] hundert - pinxsten, bogstaver og ord fremstår i det følgende med senere rettelser - antageligt fra 1700-tallet - grundet betydelig skade på brevet. lubischer mark penninghe ♦

Dat dit vor vns so ghevaren vnde gescheen is so hebbe wy <mannen>^[4] <mannen>] dette ord er i A rettet til menner grundet skade på brevet. wonhaftighe in Nuherde vorbenomed vnse herredes jnghesegel to groter t{uo}ghnysse vnde witlikheyt^[5] witlikheyt] herefter er en ulæselig senere tilføjelse i A. vnde myt willen ghehenghet laten vor dessen breff na Godes bord xiiij^c iar an deme twe vnde druttigesten iare des donnerdages neghest vor pinxsten ♦