Tekst efter Aa.
Nostri recommendacione cum reverencia debita premissa ♦
Reverende pater . quamvis nuper in presentis tribulacionis ecclesie nostre negocio paternitati vestre cum certis litteris alium transmisimus nuncium . nunc tamen invalescente molestia . alterius nuncii pulsacione vos inquietare cogimur iterato / nam continue de implacabili domini regis commocione contra dominum nostrum archiepiscopum terribiliores nobis insonant rumores . cujus[1] eleccionem et provisionem pretenso presentacionis juris cassare nititur ♦ elecciones non solum Upsalensis ecclesie . verum eciam singularum ecclesiarum cathedralium hujus provincie cupiens infirmare . quo dato omnia jura et privilegia ecclesie excidunt et tota ejus libertas in servitutem miseram redigetur . ♦
Que eciam[3] miserabilior ecclesie servitus inferri potest quam quod ipsa statutis et privilegiis libertata divinis et humanis illum maritum accipiat qui[2] non diligitur nec eligitur . sed per violenciam ingreditur . non in consolacionis adjutorium . sed in sponse obprobrium et ruinam . ♦
Hinc igitur reverendam paternitatem vestram rogamus humiliter . requirimus instanter et cum suspiriis exhortamur quatinus impreciabile hoc libertatis donum quod quisque nostrum pro posse defensare juraverat totis viribus vita et rebus defendere conemini . ne huic provincie miserabilis casus accidat Bohemorum ♦
In Pragensi namque ecclesia quamdiu eleccio viguit . fides floruit ♦ sed procurante diabolo incensionis ingressum tandem successit indignus qui nec voluit nec valuit fidem aut ecclesiam defendere . sub cujus regimine utraque corruerunt[4] . ♦
Sic revera si jam admittitur ad metropolim non pastor ovium . sed lupus rapax suspicandum . et verisimiliter in aliis ecclesiis similes aut forte deteriores prefici . quorum utique preposicioni casus fidei accedit consequenter . ♦
Et quia dominus noster archiepiscopus exilium[5] patitur . vos quia post eundem primum locum in provincia teneatis ad vos spectat congregacionem episcoporum et prelatorum procurare et adnuatis[6] viribus et consiliis vos[7] murum opponere pro domo Israel . scilicet pro ecclesia dei ♦ hoc enim dominus noster archiepiscopus hortatur consulit et requirit . et ut credimus non in gloriam suam querens sed conservacionem et profectum libertatis ecclesiastice et fidei Christiane . ♦
Et quamquam ad hujusmodi defensionis auxilium omnes astringamur . vos tamen precipue qui datus estis ecclesie Upsalensi per sedem apostolicam conservator specialis eleccionum[a] . ut eisdem oportune defensionis auxilio assistatis ♦ Et pro ista congregacione episcoporum et capitulorum posset pretendi quod concilium generale Basiliense jam celebratur[8] . ad quod expediret . ymmo necessarium esset procurares aliquos de provincia destinari ♦
Insuper ipse dominus noster archiepiscopus requirit et rogat . et nos ex parte ejusdem humiliter exoramus quatinus paternitas vestra dignetur . scribere domino apostolico . id quod simpliciter verum scimus . videlicet quod persona ipsius domini archiepiscopi utilior sit regno et ecclesie . quam persona domini Arnoldi nec pigeat aut pudeat hujus regni incolas eundem dominum archiepiscopum testimonialibus . commendare litteris . cum pene omnes prelati et nobiles Dacie †utinam tam veris quam aliunde† personam domini Arnoldi in suis litteris[b] forsan extortis missis domino apostolico commendarunt[9] . ♦
Altissimus paternitatem vestram incolumem conservet . ad honorem ecclesie sue sancte ♦
Scriptum Upsalie ♦
Petrus archidiaconus et capitulum Upsalense paternitatis vestre humiles oratores ♦
I perioden frem til 30. januar 2021 vil redaktionen udelukkende udarbejde tekster.