Tekst efter A.
Universis christifidelibus ad quorum noticiam presentes littere pervenerint Thomas dei et apostolice sedis gracia episcopus Orcadensis salutem cum benediccione divina ♦
Pium et gratum obsequium deo impendere credimus[1] quociens ejus fideles ad pietatis opera excitamus ♦
Cupientes igitur ut claustrum sancte Clare monialium Roskildis congruis habeatur reverencia et honore omnibus vere penitentibus et confessis qui dictum claustrum causa peregrinacionis oracionis seu devocionis visitaverint et qui ejus cimiterium pro fidelium animabus ibi et ubique in Christo quiescencium pie deum exoraverint et qui in festo patrone seu dedicacionis ipsius ecclesie et aliis precipue festivitatibus missis et aliis divinis officiis ibidem interfuerint et qui ad fabricam ipsius claustri et ecclesie vel ornamenta ejus melioranda et monialibus ibidem diu servientibus manus porrexerint adjutrices necnon et qui ob reverenciam sacrorum quinque wlnerum Christi quinquies oracionem dominicam et tociens salutacionem angelicam[2] devote dixerint quociens premissa vel aliquod premissorum devote adimpleverint tociens de misericordia dei omnipotentis et beatorum Petri et Pauli apostolorum ejus auctoritate confisi quadraginta dierum indulgencias de injunctis sibi penitenciis in domino misericorditer relaxamus dummodo voluntas dy<o>cesani fuerit (!) vel consensus ♦
In cujus rei evidenciam sigillum nostrum presentibus est appe<n>sum ♦
Datum Hafnis anno domini mo cdo xxx tercio ipso die nativitatis beate virginis gloriose ♦
I perioden frem til 30. juni 2021 vil redaktionen udelukkende udarbejde tekster.