Tekst efter Aa.
Sacrosancta generalis synodus Basiliensis . in spiritu sancto legittime congregata . universalem ecclesiam representans ad perpetuam rei memoriam . ♦
Plasmatori omnium simul et redemptori deo omnipotenti laudes debitas . et pro immensis ipsis singulis inpensis beneficiis . graciarum actiones a suis fidelibus tunc digne illi exigere credimus . si nota[1] relinquamus eisdem . que ad ipsorum concessa sunt salutem animarum ut exinde fideles Christi et corde et animo exultantes . ipsorumque in humilitatis spiritu mentibus preparatis . participes fieri mereantur eterni felicitatis . ♦
Hinc est quod nos quarundam litterarum . per sanctissimum dominum Eugenium papam quartum . super veneracione preciosissimi[2] domini nostri Ihesu Christi . et adjectione dierum totidem diebus fidelibus cunctis de injunctis eis penitenciis . per felicis recordacionis Martinum papam V . predecessorem ipsius . sub certis modo et forma relaxatis concessarum tenorem ad venerabilis Petri archiepiscopi et dilectorum ecclesie filiorum . capituli Lundensis . pro ecclesia Lundensi supplicacionis instancia<m> . de originalibus ipsius Eugenii litteris transsumi . et presentibus annotari fecimus . qui sequitur in hec verba ♦
Eugenius episcopus . servus servorum dei (etc. = APD III 54 nr. 1695) ♦
Nos igitur volumus et auctoritate universalis ecclesie decernimus quod tenori hujusmodi ubicumque exhibitus fuerit vel ostensus . et presentibus in omnibus stetur firmiter et plena adhibeatur fides . sicut eisdem litteris originalibus adhiberetur . si forent exhibite vel ostense ♦
Nulli ergo omnino hominum liceat hanc paginam nostre voluntatis et decreti[3] infringere . vel ei ausu temerario contraire ♦ Siquis autem hoc attemptare presumpserit . indignacionem omnipotentis dei et universalis ecclesie . se noverit incursurum . ♦
Datum Basilee v nonas julii anno a nativitate domini . millesimo quadringentesimotricesimo quarto ♦
I perioden frem til 30. juni 2021 vil redaktionen udelukkende udarbejde tekster.