Wetet hochgeborn fursten unde alswe, de desse schrift horen unde to synde krighen, sunderghen unse schedesheren, also jw wol vordenken mach, dat wi mit unser vorbedinge boden hebben, so vele alse uns bord to bedende, alse wi hopen, wedder de sendeboden der stede na begripe desses daghes, dar dach de van den steden enjeghen stan unde nemen dar sunderlighe artikele uth, alse van vredebrake weghen, de willen se jo tovorne untscheden hebben, dat doch nicht recht en is, alse uns dunket, dat jemant wat tovorne utscheden mach sunder dat recht gheve id em.
Hir merke wii bii, dat id erer van den steden menynge sii, dat se gherne seghen, dat id to unwillen queme der menen werld to schaden unde to vorvanghe, dat uns van allem herten leid were, scholde id darto kamen, dat mach alle man weten vor ware, unde willen darumme mer beden unde don, wen wii plichtich sind, alse hir navolghet, unde willen dat overgheven, dat dat voregha umme de vredebrake, alse ere bogher ghewesen heft, unde dat unser beider schedesheren dat annamen, uns darumme to untschedende na unser beider vorbringinge, wat vredebrake wesen schal, dat dat uthgewiiset werde van beiden delen nach uthsegginge der schedesheren, doch soverne[1] alse ere schedesheren sik des annamen willen unde seggen mit unsen schedesheren, uns vortan to untschedende hir to desser tiid unde eynen uthsproke hir to donde unvortogherd umme sulke sake, alse dar wii den steden mer umme to[2] toseggende hebben unde se uns wedder.
I perioden frem til 30. juni 2021 vil redaktionen udelukkende udarbejde tekster.