Tekst efter Teutsches Reichs-Archiv 16, Spicilegium ecclesiasticum I, l.l.
Universis presentes litteras inspecturis, frater Johannes Boisson, visitator et reformator pro ordine sancti Johannis Ihrimi in regnis Daniæ, Sveciæ, et Norvegiæ, salutem in domino.
Omnibus notum facimus per presentes, quod ego recognosco me a venerabili, religioso et nobili domino fratre Benedicto Petro, bajulo bajuliæ dictorum regnorum, recepisse summam quadraginta florenorum Renensium super mortuario nobilis religiosi, fratris Hemingi, olim bajuli sive prioris dictæ bajuliæ et vacantis domus sive conventus Andvvordschou per ipsum ultimo possessi. Quam summam quadraginta florenorum Renensium recepi in bono auro, et de ipsa summa contentus sum, ipsumque fratrem Benedictum Petrum, bajulum supradictorum regnorum, et suos successores per reverendissimum in Christo patrem et dominum, dominum fratrem Antonium, Dei gratia magistrum dignissimum dicti ordinis, et suos successores, quietum, liberum, et quittum, recognosco per presentes.
In cujus rei testimonium, sigillum meum, cum sigillo virorum discretorum, videlicet domini Olai, patris presbyteri i Seland Sacedel, et Hermani proconsulis Slaulosiæ, presentibus litteris est appensum: Dictum et actum in dicto conventu Antvorsko die quarta mensis octobris anno domini millesimo quadrigentesimo trigesimo quarto, hanc dictionem conventus, in glosa quintæ lineæ fideliter approbando.
I perioden frem til 30. juni 2021 vil redaktionen udelukkende udarbejde tekster.