Tekst efter A.
In nomine domini amen ♦
Cum pium sit et meritorium veritati testimonium perhibere noverint universi hoc presens publicum instrumentum inspecturi / me Petrum Bruneti bacallarium in decretis canonicum Atrebatensem publicum apostolica et imperiali auctoritatibus sancrosanctique concilii generalis Basiliensis notarium et scribam juratum anno a nativitate domini millesimo quadringentesimo tricesimo quinto indiccione terciadecima die vero veneris quarta mensis marcii / pontificatus sanctissimi in Christo patris ac domini nostri domini Eugenii divina providencia pape quarti anno quarto in testium fidedignorum subscriptorum presencia quasdam litteras clausas in pergameno scriptas / per serenissimum principem dominum Ericum dei gracia Dacie Svecie Norvegie Sclavorum Gotorumque regem et Pomeranie ducem / sacrosancto concilio Basiliensi transmissas et per me dictum notarium de mandato ejusdem sacri concilii / in generali congregacione die sabbati tercia mensis julii immediate preterii / de anno a nativitate domini millesimo quadringentesimo tricesimo quarto lectas quarum tenor de verbo ad verbum sequitur et est talis / ♦
Superscripcio / Sacrosancte venerandissime Basiliensi generali synodo in spiritu sancto pro reformacione ecclesie congregate /
Reverendissimi patres et domini (etc. = DD 1434. 8. maj, nr. 14340508001).
Subscripcio / Ericus dei gracia Dacie Suecie Noruegie Sclauorum Gotorumque rex et Pomeranie dux humilis ecclesie filius et devotus filius et devotus ♦
Instante et requirente discreto viro magistro Christoforo Laurencii / canonico Upsalensi / huic sacro concilio incorporato / vidisse tenuisse ac de verbo ad verbum perlegisse / et de presenti transumpto seu transcripto / ad predictas litteras originales suprascriptas collacionem fecisse diligentem / cum providis et discretis viris Radulpho Fabri / Johanne Deniquet[1] et Alexandro Majoris / clericis Rothomagensis Ambianensis et Atrebatensis diocesium testibus fidedignis / ad premissa testificantibus vocatis pariter et rogatis ♦
(Til venstre herfor Petrus Brunetis notarmærke) In cujus visionis et aliorum premissorum fidem et testimonium ego Petrus Bruneti notarius publicus et dicti sacri Basiliensis concilii scriba juratus prescriptus signum meum solitum hic me propria manu subscribens huic presenti transumpto seu transcripto manu propria fideliter scripto apposui requisitus ob hoc et rogatus ♦
I perioden 1. januar 2017 til 30. juni 2021 vil redaktionen udelukkende udarbejde tekster.