Tekst efter Aa.
Omnibus presens scriptum cernentibus . Petrus dei gracia archiepiscopus Lundensis Svecie primas et apostolice sedis legatus . salutem in domino sempiternam ♦
Notum facimus presentibus et futuris . quod nos . deliberacione matura prehabita cum consensu et voluntate veneralibis capituli nostri Lundensis attento tam utilitate et commodo mense nostre archiepiscopalis quam eciam mense canonicalis cujusdam . domini Jacobi Magni canonici nostri Lundensis . talem cum eodem domino Jacobo Magni de infrascriptis bonis sub titulo permutacionis fecerimus convencionem et contractum . videlicet . quod duas curias nostras in Maglorp in Skøtzheret sitas cum omnibus et singulis earum curiarum adjacenciis videlicet agris . pratis . pascuis . humidis et siccis . nullis penitus exceptis quibuscumque nominibus censeantur . de quarum[1] una . quattuor solidos grossorum altera vero ii solidos grossorum racione pensionis dant annuatim . prefato domino Jacobo Magni pro bonis suis videlicet duabus curiis in Beltoffte . in Oxieheret situatis ac eorum bonorum attinenciis et adjacenciis quibuscumque . racione permutacionis predicte . alienamus . committimus . et ad perpetuam possessionem tenorepresencium assignamus . obligantes nos et sucessores nostros ad appropriandum . liberandum et disbrigandum dicto domino Jacobo Magni et successoribus suis ad predictam mensam canonicalem prefatas duas curias . cum omnibus ut premittitur pertinenciis . ab impeticione quorumcumque presencium . seu imposterum futurorum ♦
In quorum omnium evidenciam et cautelam firmiorem . secretum nostrum una cum sigillo venerabilis capituli nostri Lundensis presentibus est appensum ♦
Datum Lundis . anno domini mcdxxxv . die beati Bartholomei apostoli ♦
I perioden frem til 30. juni 2021 vil redaktionen udelukkende udarbejde tekster.