Tekst efter Hanserec. l. l.
Dem hochwirdigen und grosmechtigen forsten und herren, hern homeistere Dewtschs ordens, unserm allirgnedigsten liebsten herren, mit aller erwirdikeit.
Undertanigen gehorsam, getruwen dinst in aller demut zuvor.
Hochwirdiger grosmechtiger f{ue}rste und allirgnedigster lieber herre.
So wir mit Gotis hulffe ken Luebeke am sonnobende vor letare[1] sin komen, wir sunder czogerunge den steten L{ue}beke, Hamburg und Lunenburg, deher rethe aldo woren vorsammelt, unser werbunge an sie bevolen vorgobin etc.
Doruff under andern w{oe}rten sie eine froge an uns taten, were das der kowffman in yenen landen bey seinen freyheiten yo nicht mochte bleiben, ouch andere sachen czu bestant adir fruntschaft nicht gebrocht mochten werden, ab wir ouch danne von euwer gnade wegin hetten volkomene macht einen ernst mit in czu tun, dodurch man czu rechte und redlichkeit mochte komen, das euwer herliche weysheit, woruff das lowtet, czu guter masze wol mag vornemen.
Uff das, undir vilen handelungen und schriften wie sie der dinge in bevel vor das beste czu tun und lossen von euwer grosmechtikeit mechtig weren, die sie uns loesen, abir sie woren nicht vorsegelt, wir in antwarten, euwer wirdige gnade hett uns czu in und vort mit in czu czihen in macht ausgesant in yenen landen, ir aller und der gemeynen Dewtschen hensze an unsern herren herczog von Burgundien, die vier leede von Flandern, Hollandern, Seelandern und an die Englischen beste czu werben, und uff das allirhogeste mit ganczem ernstem fleisse czu arbeiten, das der kowffman blebe bey seynen privilegien etc., und die schaden und[2] schelungen czwischen Hollandern, Seelandern und in gewand fruntlich entricht adir in bestant gebrocht m{oe}chten werden.
Und das geschege umme irer aller fromen und n{oe}tcz willen und die dorumme in czu guete tetet, uff das die narunge czwischen landen und landen nicht gehindert adir gestoret w{ue}rde, und seyen an euwer gnaden gute und truwe meynunge und liessen vor sich gehen ire botschaft mitsampt der euwern, want worumme, hett wir in euwer herlichkeit endtliche meynunge uff die czeit geoffembaret, sie solden, so wir woren besorget, mit uns nicht besand haben.
Also senden sie aus czwene burgermeistere, einen van Lubeke, den andern von Hamburg in macht der andern stete, und reiten aus von Lubeke am nesten mitwochen noch letare[3] , der almechtige Got fuge alle die dinge mit seinen gnaden czu einem begerten guten ende.
Vort, allirgnedicster herre, habe wir kein gedechtnisse getan in unsem werbe an die stete als von der segelacio, wie sie is domitt halden weiden etc.
Und das ist dorumme gelossen, was uns dovon czum S{ue}nde wart czu wissen, das habe wir euwern gnaden von dannen geschreben; czu der Wysmer habe wir dergleich in warheit vornomen, do ouch vaste schiffe czu Flandern und in ander lande wert sin geschicket czu segeln, ouch sin aus Flandern wol sechs schiffe uff die Elve komen, ouch so gedochten die egenanten stete nichtes dovon ken uns, also duchte is uns ouch notczer sin geswegen.
Nemlich noch ewer grosmechtikeit begere und bevel habin wir gedocht und uff das hogeste geworben, als umme schaeden ken den steten und sunderlich an die, die den adir die schaeden getan haben, als Wysmer, Rostok etc. und vaste handelunge, die czu lang ewer hochwirdigen gnaden wer czu schreiben, mit in gehabt, doruff sie alsampt uff diss czeit boeseklich sunder czutrost habin geantwart.
So uns Got wider in heymenwert czu keren hilft, was sie uns danne forder antwarten wellen, das und ander etc. werden wir ewer herlichen wirdikeit wol mundtlich inbringen, die der grose gutige Got wolfarende in gesundheit[4] geruche czu enthalden.
Geschreben czu Lubeke, am dinstage noch letare, im 36 jare.
Euwer gnaden andachtiger und getruwer bruder Johannes Sobbe, Heinrich Vorrot und Hildebrand Tannenberg[5] .
Ouch so geruche ewer grosmechtikeit czu wissen, das her Heinrich Vorrot bey im selbist hat gesprochen mit den egenanten steten als von der segelacio, das her hat geschreben dem rathe zu Danczk, die es euwer gnaden, wie her is mit in hat gelossen, wol werden offembaren[6] .
I perioden frem til 30. juni 2021 vil redaktionen udelukkende udarbejde tekster.