Tekst og arkivalske oplysninger efter Dipl. dioc. Lund. l.l.
Beatissime pater.
Postquam nuper de canonicatu et prebenda ecclesie Lundensis certo modo vacantibus devoto vestro Erico Absolonis , canonico Rotschildensi etc., auctoritate ordinarii provisum extitit, expost alii canonicatus et prebenda a premissis in dicta ecclesia Lundensi per munus consecracionis devoto filio vestro Johanni Laxman ad ipsam ecclesiam Lundensem electo impensum vel impendendum .... vacarunt et vacare sperabantur, de quibus in Romana curia per sanctitatem vestram devoto vestro E[rico] absenti et ignoranti, et creditur, apostolica auctoritate modo, ut prefertur, vacantibus provisum extitit.
Cum igitur prefati canonicatus et prebende per prefatum Ericum in dicta ecclesia Lundensi de jure necnon ipsius ecclesie consuetudine insimul obtineri nequeant, et eleccio ac jus in predicto casu juris disposicionem [faciendi] in ipsum E[ricum], quos habere in premissis canonicatum et prebendam maluerit, translatum videatur, dignetur igitur sanctitas vestra devoto vestro Bernardo de Zutvelde , magistro in artibus, graciam facere specialem et sibi de dictis canonicatu et prebenda, quorum fructus etc. quatuor marcharum argenti secundum communem extimacionem valorem annuum non excedunt, quos idem Ericus tunc infra certum tempus a certo judice per sanctitatem vestram in curia deputando sibi prefixum minus duxerit eligendos, ipsi B[ernardo] etc. servare et de illis, ut premittitur, non obstantibus sive ut premittitur sive alias quovismodo ... vacent ..., eidem B[ernardo] graciose providere, et quatenus opus est per dictum judicem deputandum canonica requisicione circa dictum E[ricum] provideri mandare, non obstantibus gracia expectativa, si quam habeat, in cancellaria apostolica exprimenda ...
Concessum, ut petitur, in presencia domini nostri pape Jo. de Mella .
Datum Bononie septimo idus marcii anno sexto.
I perioden frem til 30. juni 2021 vil redaktionen udelukkende udarbejde tekster.