1438. 11. februar. Husum

De fem sogne Garding, Katrineherd, Tetenbøl, Poppenbøl og Østerhever lader i Husum i Adolf 8.s nærværelse 24 hæderlige frisere dømme i striden mellem de førnævnte sogne angående diget i Østerhever.

Sprog: middelnedertysk.

Forlæg A: Slesvig, Landesarchiv Schleswig-Holstein, Urkunden Schleswig I (tidligere RA, Tyske Kancellis Arkiv). Pergament. Segl: 1: Everskop herreds segl; forestillende et skib med omskrift: S. TOCIV ..... EVERSCHIP ; 2: Garding sogns segl; kun et brudstykke af seglet er bevaret forestillende en kirke med et højt tårn ; 3: Katrineherd sogns segl; forestillende sankt Katharina af Alexandria holdende i den ene hånd et sværd og i den anden et hjul; med omskrift: S. PARRO... KATHERINE ; 4: Tetenbøl sogns segl; forestillende en biskop med omskrift: S. PARROCHIE THETENBVL ; 5: Segl tilhørende Poppenbøl sogn mangler; 6: Utydeligt segl tilhørende Østerhever sogn (muligvis en stående biskop) . Ej forefundet 2020.

Forlæg Aa: København, RA, Langebeks Diplomatarium, XIV A 27 Danmark (1431-1438). Afskrevet juni 1862.

Tryk: Leverkus, Neues Archiv d. schlesw.-holst.-lauenb. Gesellsch. III, p. 254, nr. 7 (udtog); Rep. nr. 6927 (udtog).

Split Normal

Tekst efter Aa; de arkivalske oplysninger om A stammer fra Langebeks Diplomatarium og Rep. l.l.

Tekst

Na der bort vnses heren Cristi dusent jar veerhundert jar darna in dem achte vnde drittigesten jare des dingesdages vor sunte / Valentini daege do weren wij kerspellude van Gerdingen Katherinenherede, Tetenbul, Poppenbul vnde Osterheuer to Husem vor vnsem / gnedigen heren hertogen Alue to Slesswig hertogen greuen to Holsten vnde vor zinem rade den he dar mijd zik hadde vmme twidracht / de wij erbenompden vif kerspele to samende hadden vmme den dijck in der Osterheuer etcetera ♦

Vnde wij erbenompden vif kerspel brachten / dar sulves to Husem vor vnses erbenomeden gnedigen heren jegenwardicheit ver vnde twintich^[1] zeker bedderue lude^[2] lude] luden, Leverkus l.l. vresen vth / vnsen vif kerspelen alse bi namen Vedderke Tetensone , here Ouensone , Bo Atynghe , Sywel Peterssone , Herding Peterssone , Auch Zibens , Peter / Attensone , Backen Bundi^[3] Bundi] Bunde, Leverkus l.l. , Broder Bonssone , Ade Menwerdessone , Broder Zigingh , Broder Ploghes , Bo Wennekensone , Tete Smyth , Jons / Hemensone^[4] Hemensone] Hemmenson, Leverkus l.l. , Fedde Hanssen , Boye Eekensson^[5] Eekensson] Eckensson, Leverkus l.l. , Tyrt Alens , Saxe Wynnekens , Bo Eygingh , Diderick Bonssone , Luddelf Bonssone , Diderick / Luddersen , Tyrt Hayensen^[6] Hayensen] Hagenson, Leverkus l.l. . ♦

Wes desse erbenompden xx iiij man in rechte edder in gudem^[7] gudem] guten, Leverkus l.l. fruntliken slete^[8] slete] vlete, Leverkus l.l. twuschen vnsen vif kerspelen / vunden vnde vthspreken, dat wolde wij samptliken twuschen vns vruntliken to ewigen tiden holden . ♦

Vnde desse erbenompde xx iiij / wurden ouer enes vnde spreken af vor vnses erbenompden heren gnade in Hans Dunckes hus bynnen Husem desse schede . ♦

Tom ersten / alle dat vrye^[9] vrye] vrige, Leverkus l.l. land dat dar licht twuschen Hemmingh{oe}rne vnde der Merne twuschen Tetenbul koch unde Gardinge gheest / dat schal buten vaten in den Osterheuer dijk deymede deymet gelik . ♦

Item Ywarsbulling koch schal ok vaten buten / deymedes gelik . ♦

Item Klarenbullinge koch schal ok vaten deymedes gelijk buten an der Osterheuer dijk . ♦

Item Schockebul / koch dar schullet twehundert deymet landes helpen to Reynesbul koghe vnde alle dat andere land in dem koghe / na blifft schal ok mede buten vaten in der Osterheuer deymedes gelijk . ♦

Vortmer alle andere koghe schullen bliuen bi / erem egenen dyke . ♦

Item de Mernekoch wes dare ane is belegen in Euerkesschippes rechte, dat schal vaten in den / Wart koch . ♦

Item alle dat frie land, dat dar licht in dat zuden der ghest to Gerdingen, dat schal ok mede vaten in / den Wart koch . ♦

Vnde desse erbenomede vif kerspele willen bliuen bi erem egenen rechte vnde willen zik myd dem Holmer lande / efte myd Eyderstede nicht bekummern . ♦

Item vortmer so makede wij vif kerspele dar sulues to Husem vor vnsem gnedigen / leuen heren vorbenomet vnde zinem rade van dere twidracht wegene de wy to samende vnder vns hadden van desses / dykes wegene eyne gude ewige fruntliken zone myd allen den yennen de in der sake vordacht weren . ♦

Vnde dit alse / vorscreuen is hebbe wij vif kerspele vnser en myd dem anderen vnsem gnedigen leuen heren vorbenomet so gelouet / to holdende myd hande vnde myd munde . ♦

Des to tuge hebbe wy vnses landes Euerkeschip jngesegel myd den / jngesegelen vnser erbenompden vif kerspele Gerdingen, Tetenbul, Poppenbul, Katherinenherede vnde Osterheuer / samptliken vnde myd willen gehenget heten to dessem breue jn tid stede vnde stunde alse vorscreuen is . ♦

1. ver vnde twintich] Leverkus l.l. læser: verkundtwintich. 2. lude] luden, Leverkus l.l. 3. Bundi] Bunde, Leverkus l.l. 7. gudem] guten, Leverkus l.l. 8. slete] vlete, Leverkus l.l. 9. vrye] vrige, Leverkus l.l.

Oversættelse

I perioden frem til 30. juni 2021 vil redaktionen udelukkende udarbejde tekster.