Tekst efter Ac1.
Omnibus præsens scriptum cernentibus, Johannes dei gratia episcopus Otthoniensis salutem in domino perhennalem[1] .
Tenore præsentium notum sit præsentibus et futuris, quod nos ex deliberato animo maturoque consilio, ob remedium et salutem anime nostræ animarumque[2] parentum et progenitorum nostrorum, nec non omnium fratrum et sororum, vivorum et mortuorum, convivii sancti Canuti in Svineborigh[3] , omne jus et universam justitiam quæ nobis juste competit in bonis, nobis per famosum virum dominum Bernichinum[4] Skynkel[5] , militem, pro centum quinquaginta march. lubsk[6] in Hundzstrop[7] et Möndorp[8] provinciæ Salinge-Herrit[9] sitis, per apertas literas suas inpigneratis, ad unam[11] vicariam[10] in ecclesia Beatæ Virginis in Suineborgh, ad laudem et honorem omnipotentis dei[12] , in reverentiam gloriosi corporis et sanguinis domini nostri Jesu Christi, beatissimæ virginis genitricis suæ, et beati Canuti regis et martyris, omniumque[13] sanctorum, de novo per nos fundandam et dotandam, cum omnibus et singulis conditionibus et articulis contentis in dictis[14] literis apertis, nobis per prædictum dominum Bernichinum super hujusmodi[15] bonorum inpignerationem[16] confectis, ad perpetuam possessionem damus, assignamus et scotamus[17] veraciter per præsentes[18] .
Tali cum modo, quod quandocunque antedicta bona, pro præfata pecuniæ summa, secundum continentiam literarum, super hoc ut præfertur, confectarum, legaliter redempta fuerint, ex tunc[19] ipsa pecunia, secundum ordinationem et consilium plebani ecclesiæ beatæ virginis supradictæ senatoris convivii regis Canuti, de quo supra, et potiorum fratrum ejus, pro aliis redditibus ad sustentationem prænominatæ vicariæ valentibus, dispensetur, et utiliter ordinetur.
Hoc insuper non neglecto, quod quotidiana[20] missa coram præfato altari, in quinta[21] feria scilicet[22] de glorioso corpore Christi, et in secunda feria pro omnibus fidelibus defunctis, cantanda, in ceterisque diebus legenda perpetuis temporibus[23] debeat celebrari.
Volumus etiam quod prædicti, plebanus, senator et potiores fratres dicti convivii, jus patronatus seu præsentationis libere[24] ad vicariam habeant supra dictam.
Præterea, si vicarius præfati altaris remissus et negligens fuerit, eandemque missam non celebraverit vel celebrari fecerit[25] ex tunc[26] antedicti, plebanus et senatur, cum consilio dictorum fratrum de alio vicario utiliori[27] , qui astrictus[28] sit ad ipsam missam tenendam, ut præfertur[29] , libere providebunt.
In quarum fundationis et dotationis evidentiam firmiorem, sigillum nostrum una cum sigillo dilecti capituli[30] nostri, nobiliumque virorum, videlicet domini Nicolai dicti Bild[31] , militis, et Jacobi Herlugson, fratruelis nostri, præsentibus duximus appendendum[32] .
Datum et actum anno domini M.C.D. decimo septimo[33] , in vigilia assumptionis beatæ Mariæ virginis.
I perioden frem til 30. juni 2021 vil redaktionen udelukkende udarbejde tekster.