1417. 23. november.

Dekan Jens Klementsen og kollegiatkapitlet i København mageskifter med biskop Jens Andersen Lodehat af Roskilde, således at biskoppen får gården Mølletorp ved Lyngby kirke samt Nymølle af kapitlet, der til gengæld får to gårde i Brøndbyøster.

Sprog: latin.

Forlæg A: København, Rigsarkivet, NKR, c-2643; tidl. Roskilde Bisp; Mageskifter 1; L - 3-58. Pergament. Højde: 17,5 (plica: 2,5) cm. Bredde: 28,5 cm. På bagsiden påskriften Scotacio cujusdam curie in Lyungby videlicet Møllethorp dicte et super molendino dicto Nymøllæ Støff[nesherrit(?)] . Segl: 1: Københavns kapitels segl af grønt voks i perg.rem, DGS 336 .

Tryk: Rep. nr. 5682; Reg. 3322; Vejledende Arkivreg. XVII 94 nr. 262; Københavns Dipl. IV 21-22 nr. 31; Danske Mag. V 292-3.

Split Normal

Tekst efter A.

Tekst

Universis ad quorum noticiam deductum fuerit presens scriptum Johannes Clementis decanus Hafnensis totumque capitulum ibidem salutem in vero omnium salvatore ♦

Constare volumus presentibus et posteros non latere nos ex deliberato animo et unanimi consensu quendam permutacionis bonorum contractum certis causis suadentibus et precipue propter situm bonorum utrique parti pertinencium maxime convenientem utilem et acceptum cum reverendo in Christo patre ac domino domino Johanne dei gracia episcopo Roskildensi domino nostro gracioso in dei nomine iniisse in hunc modum ita videlicet quod predictus dominus noster episcopus et successores sui infrascripta bona nostra capitularia videlicet unam curiam vulgariter dictam Møllethorp juxta ecclesiam Lyungby dantem sex recia Skaniensia annuatim item quendam locum molendini dictum Nymøllæ cum piscatura ibidem et captura anguillarum dicta vulgariter aalefang una cum omnibus et singulis eorundem bonorum locorumque pertinenciis videlicet agris pratis silvis pascuis piscaturis humidis et siccis nullis penitus exceptis quibuscumque nominibus censeantur habeat et habeant jure perpetuo possidenda pro infrascriptis bonis videlicet duabus curiis in Brunby øster ad mensam episcopalem spectantibus duas marcas argenti pro annua pensione dantibus cum omnibus et singulis dictorum bonorum pertinenciis videlicet agris pratis pascuis humidis et siccis nullis penitus exceptis quibuscumque nominibus censeantur necnon cum decimis episcopalibus nobis et successoribus nostris per dictum dominum nostrum episcopum in recompensam assignatis jure perpetuo libere possidendis ♦

Et ut premissa omnia et singula inviolabiliter observentur obligamus nos et successores nostros ad scotandum appropriandum et disbrigandum supradicto domino nostro episcopo Johanni et successoribus suis prefata bona ab impeticione quorumcumque ♦

Ceterim si predicta bona vel aliquod illorum propter defectum nostre appropriacionis secundum leges terre a dicto domino nostro Johanne seu successoribus suis evicta fuerint extunc obligamus nos et successores nostros ad refundendum et restituendum dicto domino nostro vel successoribus suis predicta bona in Brunby øster vel equivalencia secundum sufficientem et congruam recompensam ♦

In quorum omnium et singulorum evidens testimonium et firmitatem majorem sigillum nostrum capitulare presentibus est appensum ♦

Datum anno domini m^ocd^oxvii^o die beati Clementis martiris gloriosi ♦

Oversættelse

I perioden frem til 30. juni 2021 vil redaktionen udelukkende udarbejde tekster.