Tekst og arkivalske oplysninger efter APD l.l.
Ad futuram rei memoriam .. Ad Christi vicarii presidentis (in specula apostolice dignitatis circumspectionem pertinet circa ecclesiarum, presertim cathedralium, et ecclesiasticarum personarum qualitates attendere sicque illarum ferventer invigilare profectibus, ut omnis ab eis turbationis materia auferatur et ipsarum commoditatibus utiliter consulatur).
Dudum siquidem Alexander V in ejus obedientia nuncupatus provisiones omnium ecclesiarum cathedralium, per privationes depositiones seu amotiones per eum seu auctoritate sua imposterum faciendas de prelatis earum ubilibet constitutis extunc et inantea vacaturarum, dispositioni sue reserva[vit] ... ac postmodum, ecclesia Caminensi Romane ecclesie immediate subjecta de dicta obedientia existenti ex eo vacante, quod idem Alexander quondam Nicolaum tunc episcopum Caminensem licet absentem suis culpis et demeritis exigentibus ab omni administratione ipsius ecclesie Caminensis .. privaverat, prefatus Alexander de persona Magni electi Caminensis eidem Caminensi ecclesie providit ...., prout in litteris Baldassaris, tunc Johannis XXIII nuncupati, qui dicto Alexandro in eadem obedientia immediate successit, inde confectis, cum predictus Alexander, antequam littere sue super provisione predicta confecte fuissent, ab hac luce migrasset, plenius continetur; cumque postea Johannes tituli s. Sixti presbiter cardinalis, tunc in Alamanie et nonnullis aliis partibus per Angelum Corario in universali ecclesia episcopum, tunc Gregorium XII in ejus obedientia nuncupatum, legatus deputatus, pretendens dictam Caminensem ecclesiam tunc per obitum dicti Nicolai vacare et de prefata obedientia dicti Angeli, tunc Gregorii, existere, personam Johannis episcopi Slesvicensis a vinculo, quo Slesvicensi ecclesie tenebatur, pretextu dicte legationis absolvens, ipsum ad eandem Caminensem ecclesiam transtulisset, licet de facto, et propterea inter Magnum et Nicolaum predictos orta fuisset materia questionis, nos, qui postmodum divina favente clementia fuimus ad summi apostolatus apicem assumpti, volentes super premissis plenius informari, super hiis informationem fieri fecimus diligentem.
Verum, quia per informationem hujusmodi nobis constitit hujusmodi provisionem de persona dicti Magni fore canonicam, ne prefata Caminensis ecclesia propter eandem dissensionem gravia dispendia patiatur, .. ex certa scientia declaramus translationem predictam necnon provisionem de persona dicti Johannis factam et quecunque inde secuta esse nulla sibique nullum jus in dicta ecclesia competere, et nichilominus predicto Johanni super administratione predicta perpetuum silentium imponimus ....
Datum Constantie 12. kal. maji anno 1.
I perioden frem til 30. juni 2021 vil redaktionen udelukkende udarbejde tekster.