Tekst efter Dipl. Norv. l.l.
Supplicat s. v. devotus vester Johannes Jacobi cancellarius illustris Erici regis Dacie etcetera canonicus Lundensis, quatenus sibi de prepositura Roskildensi eciam si curatus et electiva sit per promocionem ex persona Christierni ipsius ultimi possessoris ad ecclesiam Ripensem factam vacantem seu per munus consecracionis eidem Christierno impendendum vel lapsum temporis de consecrandis episcopis vacaturam cujus fructus etcetera quindecim marcharum argenti communi extimacione valorem annuum non excedunt sive ut premittitur aut alias quovis modo vel ex persona ipsius aut alterius cujuscumque vacat sive idem C. vel is ex cujus ultimo facto vacaverit collector succollector fructuum camere apostolice debitorum capellanus nuncius sedis apostolice vel alicujus ex summis pontificibus vel dominis cardinalibus familiaris domesticus et continuus commensalis fuerit aut alias generaliter vel specialiter reservata devoluta sit seu lis super ipsa conjunctim vel divisim in Romana curia aut extra inter quascumque personas cujus statum haberi placeat sufficienter pro expressis pendeat indecisa dignemini misericorditer providere, non obstantibus dicte Lundensis necnon Roskildensis ecclesiarum canonicatibus et prebendis ac eciam parrochiali ecclesia beate virginis in Calundeborch Roskildensis diocesis ac altari in dicta parrochiali ecclesia situato que obtinet quorum omnium fructus etcetera triginta marcharum argenti valorem annuum simili extimacione non excedunt cum eodem Johanne ut dictam preposituram unacum dicta parrochiali ecclesia ad quinquennium insimul retinere ac quod interim alteram illarum pro alio beneficio compatibili permutare valeat misericorditer dispensare cum ceteris non obstantibus et clausulis oportunis.
Fiat ut petitur O.
Datum Mantue pridie idus Novembris anno primo.
I perioden frem til 30. juni 2021 vil redaktionen udelukkende udarbejde tekster.