Tekst og arkivalske oplysninger efter APD l.l.
Supplicat Johannes Martini canonicus Ripensis, quatenus sibi de perpetua vicaria ad altare b. Marie Magdalene situm in ecclesia Lundensi [fructus 8 mr.] ex eo vacante, quod Johannes Andree illam obtinens canonicatum et prebendam ejusdem ecclesie auctoritate ordinaria sibi collatos e[s]t pacifice assecutus, et quo[s], etiam, ut dicitur, obstante antiqua consuetudine ipsius ecclesie, nequivit insimul obtinere, dignemini providere, non obstantibus canonicatu et prebenda ecclesie Ripensis [fructus 4 mr.].
Item, quatenus eidem Johanni Martini de parrochiali ecclesia s. Petri in Malmoe Lundensis diocesis, que de jure patronatus regis [vel][1] laicorum existit, [fructus 18 mr.], ex eo vacante, quod Johannes Jacobi illam obtinens decanatum ecclesie Lundensis, que dignitas est, canonice sibi collatum extitit pacifice assecutus illosque simul contra canonicas sanctiones a tanto tempore detinuit, prout detinet, quod ejus collatio juxta Lateranensis statuta concilii ad sedem apostolicam legitime devoluta existit ...
[Fiat ... O.]
[Datum Florentie 6. kal. julii anno 2.]
I perioden frem til 30. juni 2021 vil redaktionen udelukkende udarbejde tekster.