Tekst efter A.
Omnibus presens scriptum cernentibus . Axlen Thuræsøn villanus Hafnensis . salutem in domino \ ♦
Notum facio universis presentibus et futuris quod recognosco me viro discreto latori presencium videlicet Mathie Petri dicto Bemen curiam meam cum fundo ac omnibus et singulis pertinenciis suis altis et bassis in parochia beati Petri in vico Pretorii Hafnis sitam . necnon medietatem unius fundi contigue ad orientem predicte curie mee adjacentis . cujus quidem fundi medietatem a quodam Twone Johannis nepote meo justo empcionis tytulo acquisivi . vendidisse resignasse et ad manus suas pleno jure meo assignasse perpetuo possidendas / ♦
Pro quibus videlicet curia et fundis supradictis plenum precium secundum contractum nostrum ab eodem Mathia me fateor sublevasse ./ ♦
Ideo me meos et heredes obligo per presentes antedictam curiam cum fundis prenominatis ad appropriandum et disbrigandum eidem Mathie Bemen suis et heredibus ab impeticione quorumcumque / ♦
Et si prelibata curia seu aliqua pars predictorum fundorum ab ipso Mathia vel heredibus suis secundum leges terre Syalendensis propter mee appropriacionis defectum evicta fuerit . per presentes obligo me et heredes meos dictum Mathiam et heredes suos pro hujusmodi appropriacionis defectu indempnem ac indempnes conservare \ ♦
In cujus rei testimonium sigillum meum una cum sigillis discretorum virorum videlicet domini Jacobi Krafsæ canonici Laurencii Winnæræ Jone Wat consulum . Petri Krafsæ et Petri Boecii villanorum Hafnensium presentibus est appensum / ♦
Datum anno domini mo cdoxixo die sanctorum martirum Crispini et Crispiniani . ♦
I perioden frem til 30. juni 2021 vil redaktionen udelukkende udarbejde tekster.