Tekst efter Aa.
Omnibus presens scriptum cernentibus Jacobus Clementis decanus Hafnensis salutem in domino. ♦
Noverint universi presentes et futuri, quod recognosco me viro discreto Johanni Nielson meo concivi quendam fundum meum in parochia sancti Nicholai Hafnis australiter a Pilegarth situm, cum omnibus et singulis pertinentiis suis, nullis exceptis in latitudine versus communem plateam xix. ulnas Selendenses, in longitudine vero versus Pauelstræde liii ulnas Selendenses cum omni jure vendidisse, scotasse, et ad manus in placito nostro civili veraciter assignasse perpetuo jure possidendum. ♦
Insuper recognosco me plenum et sufficiens precium pro predicto fundo cum pertinentiis suis, nullis exceptis, a predicto Johanne Nielson et heredibus suis secundum proprium velle plenarie sublevasse. ♦
Hoc adjecto, quod obligo me et heredes meos predicto Johanni Nielson et heredibus suis predictum fundum cum pertinentiis suis, nullis demptis, appropriare, disbrigare, et secundum leges terre liberare ab impetitione quorumcunque. ♦
In cujus rei testimonium sigillum meum una cum sigillis virorum discretorum, videlicet Boecii Clementis fratris mei, Henekini Jacobi , Thorkilli Smith , Thrugoti Pæthersøn , Johannis Pribe , et Johannis Henekesøn , presentibus est appensum. ♦
Datum anno domini mcdxix die sancte Lucie virginis gloriose. ♦
I perioden frem til 30. juni 2021 vil redaktionen udelukkende udarbejde tekster.