Udtog efter A. Det vidimerede brev er udgivet i DD 1427. 1. maj, nr. 14270501002.
In nomine domini amen ♦
Anno nativitatis ejusdem millesimo quadringentesimo vicesimo nono indiccione septima mensis maji die veneris sexta hora vesperorum vel quasi pontificatus sanctissimi in Christo patris et domini nostri domini Martini divina providencia pape quinti anno duodecimo in mei notarii publici testiumque infrascriptorum ad hoc specialiter vocatorum et rogatorum presencia personaliter constitutus honorabilis vir dominus et magister Otto Boecii presbiter Ripensis Slesvicensis Lubicensisque ecclesiarum canonicus . ac prepositus in Wartzsysel . in predicta ecclesia Ripensi quandam papiri cedulam in medium produxit . dixitque quod contenta in eadem vellet habere pro suo testamento et sua ultima voluntate ♦
Cujus quidem cedule tenor de verbo ad verbum sequitur et est talis ♦
In nomine domini (etc. = DD 1427. 1. maj, nr. 14270501002) ♦
Et protestans si non valet jure testamenti valet tamen jure codicillorum vel alterius ultime voluntatis cujuscumque reservans eciam potestatem quam diu sit in humanis minuendi corrigendi et †insungendi† etcetera volensque omnia premissa rata et grata firmiter et incussa habere et tenere donec notorie et expresse revocaret ♦
In cujus rei testimonium evidens prefati domini magistri Ottonis canonici sigillum suum presentibus est appensum ♦
Super quibus omnibus et singulis premissis predictus magister Otto me notarium publicum infrascriptum requivit ut sibi super hiis unum vel plura publicum vel publica conficerem instrumentum seu instrumenta ♦
Acta sunt hec in ecclesia Lubicensi anno indiccione mensis die hora pontificatu et aliis quibus supra presentibus discretis viris dominis Paulo Crumzee et Gotfrido Homoed perpetuis vicariis in ecclesia Lubicensi testibus ad premissa vocatis specialiter et rogatis ♦
(Til venstre herfor Bertoldus Lodders notarmærke)) Et ego Bertoldus Lodder clericus Halberstadensis diocesis publicus imperiali auctoritate notarius quia predicte cedule presentacioni productioni protestacioni et requisicioni omnibusque aliis et singulis premissis dum sic ut premittitur fierent et agerentur unacum prenominatis testibus presens fui eaque sic fieri vidi et audivi ideoque presens publicum instrumentum per alium fideliter scriptum exinde confeci / quod signo et nomine meis solitis unacum appensione sigilli prefati domini et magistri Ottonis signavi in fidem et testimonium omnium premissorum rogatus et requisitus . ♦
I perioden frem til 30. juni 2021 vil redaktionen udelukkende udarbejde tekster.