Tekst efter A.
Nos Petrus dei gracia archiepiscopus Lundensis Sveciæ primas et apostolice sedis legatus constare volumus universis quod lator presentis Ako Nielssøn dilectus et fidelis advocatus noster in castro nostro Hamarense et terra Borndeholm de omnibus et singulis nomine et ex parte ecclesie nostre Lundensis atque nostra quocunque modo per ipsum levatis et erogatis a primo die quo sibi prefatum castrum et terram commisimus usque in hodiernum diem plenum computum et sufficiens ratiocinium nobis fecerat fideliter ita quod ipsum de circumspecto fidelitatis servicio merito commendamus et regraciamur eindem ♦
Eapropter ejusdem Akonem Nielssøn et omnes suos heredes officiales et servitores quos ipse usque in presentem diem quittos habere voluerit de premissis levatis et erogatis omnino quittamus per presentes ad computacionis onus seu ratiocinii iteracionem nobis vel nostris successoribus faciendis nullatenus repetendos ♦
In cujus rei testimonium secretum nostrum presentibus est appensum♦
Datum in monasterio Tomarp anno domini millesimo quadringentesimo tricesimo feria quarta proxima post dominicam reminiscere.
I perioden frem til 30. juni 2021 vil redaktionen udelukkende udarbejde tekster.