Tekst efter A. version.
In nomine domini amen ♦
Ego Andreas Strangonis canonicus Lundensis licet corpore debilis tamen mente sanus . considerans illud . cum nichil est cercius morte et nichil incercius hora mortis de bonis a deo michi collatis testamentum meum dispono in hunc modum ♦
Primo lego omnipotenti deo animam meam et terre corpus meum ♦
Item ecclesie sancti Laurencii in qua meam eligo sepulturam i marcam argenti ♦
Item domino meo archiepiscopo cortinam meam Flandrensem ♦
Item venerabili capittulo curiam habitacionis mee pro tenendo anniversarium meum et parentum meorum ♦
Item sodalicio sacerdotum majus meum dolium cum rennæ ♦
Item ecclesie sancti Jacobi i caldariam capientem iiiior urnas sub ea condicione ut ecclesia redimet[1] ea<m>[2] pro i solido grossorum datura ministro iii grossos ♦
Item domino Jacobo Petri cantori . i . scrinium ♦
Item domino Nicolao Ysacssøn canonico Lundensi extractus proprietatum rerum[a] et flores philosophie[b] ♦
Item domino Petro Danmark pelvim . ministro suo Jacobo librum ♦
Item domino Mathie custodi chori i ollam meliorem ♦
Item plebano meo i porcum meliorem ♦
Item fratri meo dilecto crucem meam deauratam cum suo appendiculo ♦
Item domino Nicolao Johannis breviarium meum ♦
Item Nicolao Gaggæ sororio meo granarium meum ♦
Item vicario meo i librum de camera mea ♦
Item clientulo meo i tonicam cotidianam cum capic<i>o ♦
item hwstru Cecilie . v . anceres ♦
Item Johanne cognate mee i vaccam cum vitulo ♦
Item domine Johanne moniali filie fratris mei i lectum cum suis preparamentis cum cista thorali ♦
Item Benedicte ancille mee . i . amphoram . ♦
Exequtores autem hujus testamenti mei et mee ultime voluntatis constituo honorabiles viros dominos Jacobum Petri cantorem [et] Nicolaum Ysaacssøn canonicos[3] hoc meum testamentum necnon levanda de anno gracie erga pauperes Christi et creditores meos ita fideliter exequantur erogent et dispensent sicut in eos gero fiduciam specialem ♦
Datum anno domini mcdxxxiio die beate Scolastice meo sub sigillo una cum sigillis dictorum exequtorum ♦
I perioden frem til 30. juni 2021 vil redaktionen udelukkende udarbejde tekster.