Tekst og arkivalske oplysninger efter APD l.l.
.. Dudum .. Bonifacius papa IX .. omnibus Christifidelibus ecclesiam monasterii s. Catherine virginis Ripensis diocesis ordinis fratrum Predicatorum in festo s. Trinitatis devote visitantibus annuatim et per septem dies dictum festum immediate sequentes et ad ejus conservationem manus porrigentibus adjutrices illam indulgentiam et peccatorum remissionem concessit et eos consequi voluit, quam consequuntur visitantes ecclesiam s. Marci de Venetiis Castellane diocesis in festo ascensionis domini, et nichilominus priori dicti monasterii pro tempore existenti, ut octo sacerdotes idoneos seculares vel religiosos deputare valeret, qui confessiones confluentium ad dictam ecclesiam pro hujusmodi indulgentia consequenda audire possent et pro commissis, nisi talia forent, propter que sedes apostolica merito consulenda foret, debitam absolutionem impendere valerent, concessit, ac voluit litteras et gratiam hujusmodi perpetuis futuris temporibus durare debere, prout in litteris <desuper confectis>[a] plenius continetur.
Cum autem, pater sancte, prior et conventus dicti monasterii cupiant, licet dicta gratia perpetua sit, prefatam ecclesiam, ad quam propter singularem devotionem magna illarum partium confluit populi multitudo, indulgentiarum s. v. muneribus decorari, dignetur igitur s. v. omnibus Christifidelibus prefatam ecclesiam in dicto festo et prefatis diebus visitantibus annuatim et ad ejus conservationem et fabricam manus porrigentibus adjutrices, illas indulgentias et peccatorum remissionem concedere et etiam elargiri, quam consequantur visitantes prefatam ecclesiam s. Marci .. cum potestate deputandi prefatos octo sacerdotes, qui facultatem habeant confessiones audiendi et pro commissis, nisi talia fuerint, propter que sedes apostolica consulenda foret, impendere ...
Concessum in forma in presentia pape B. Gradensis .
Datum Rome 6. kal. martii anno 2.
I perioden frem til 30. juni 2021 vil redaktionen udelukkende udarbejde tekster.