Tekst efter A.
Jk Hartech Leow . do witlick allen den gennen de dessen breff zeen . edder horen lesen . opembare to betugende dat de hochgeborne vorste . vnde here . Alff hertoge to Sleszwick greue to Holsten etcetera myn gnedige leue here . my van gnaden . vnde vmme mynes denstes willen . hefft to geuen hundert marck penninge . de ick hadde in Saterpholm . de ick mynem erbenomeden gnedigen heren . vorlaten hadde . vnde de he my van gnaden weddergeuen hefft ♦
Hiir vp hebbe ick Hartegh erbenomed mynem gnedigen erbenomeden heren . syne eruen vnde alle de syne . de he myd rechte to vorbiddende hefft . vororueydet . bi swornen staueden ede . also dat ick nummermeer mynen gnedigen heren . vnde de syne schal . edder wil veiden . edder beschedegen vnde ock nummer vnder ogen to denende . myd rade edder myd der daat . vnde loue myneme gnedigen erbenomeden heren . desse orueyde . in guden truwen stede vaste . to holdende s{uv}nder argelist . ♦
Vnde wii Hinrick Rixstorp . rittere . Reymar Sestede . Hans Breyde . vnde Hartegh Hardenbergh . louen myd Hartege Leowen . vnde vor ene . dat[1] desse orueyde . vnsem gnedigen leuen heren . an guden truwen vnuorbroken schal werden holden . alse vorscreuen is . ♦
Vnde hebben des to tuge vnse jngesegele myd Hartegh Leowen jngesegel henget laten neden an dessen breff ♦
Na Godes bord[2] veerteyn hundert iar dar na in dem veere vnde drittigesten jare . des midwekens vor Vnser leuen Vrrowen dage to lichtmissen ♦
I perioden frem til 30. juni 2021 vil redaktionen udelukkende udarbejde tekster.