Tekst og arkivalske oplysninger efter Dipl. dioc. Lund. l.l.
Beatissime pater.
Dudum sanctitas vestra devoto vestro Erico Absolonis , canonico Lundensi, de canonicatu et prebenda ecclesie Lundensis, quos devotus vester Johannes Laxman , electus Lundensis, tempore promocionis ipsius ad dictam ecclesiam in ipsa ecclesia obtinebat, cum illos per hujusmodi promocionem sive munus consecracionis impendendum eidem Johanni vacare contingerit (!), graciose mandavit seu concessit provideri.
Cum autem, pater sanctissime, ipse Ericus quosdam alios canonicatum et prebendam in dicta ecclesia obtineat, qui per assecucionem primodictorum canonicatus et prebende per ipsum Ericum fiendam vacare sperantur, supplicat sanctitati vestre devotus vester Bernardus de Zutvelde , magister in artibus, quatenus sibi de dictis canonicatu et prebenda ipsius Erici, cujus fructus etc. quatuor marcharum argenti secundum communem extimacionem valorem annum, cum illos ... vacare contigerit, eciam si per liberam resignacionem alicujus de illis in Romana curia vel extra eam ... sponte factam vacent, ... dignemini misericorditer providere, non obstantibus quod idem[1] sanctitas ipsi B[ernardo] de Rotschildensi, qui major et cujus decem, ac de Lundensi predicto, qui non tamen major post pontificales inibi dignitates curate et electe[2] sunt et cujus quatuordecim marcharum argenti fructus etc. secundum communem extimacionem valorem annuum non excedunt, decanatibus[3] sub certis modo et forma graciose concessit provideri ...
Concessum, ut petitur, in presencia domini nostri pape Jo. de Mella.
Datum Bononie sexto kal. marcii anno sexto
I perioden frem til 30. juni 2021 vil redaktionen udelukkende udarbejde tekster.