1437. 4. juni. Bologna

Tekst

Olim bone memorie Bero Olavi miles Ottoniensis diocesis de bonis a deo sibi collatis nonnulla possessiones et bona immobilia in certis locis, in cancellaria apostolica in confectione litterarum apostolicarum, si opus fuerit, exprimenda et <in>^[1] <in>] tilføjet i APD. prefata diocesi consistentia et ad eum legitime pertinentia, ad altare s. Andree situm in capella ecclesie s. Michaelis Ottoniensis ordinis s. Johannis Jerusolimitani, quod quidem altare nullos redditus habuit, pro una missa singulis diebus in capella prefata per presbiteros dicte ecclesie pro anima ipsius Beronis imperpetuum celebratura^[2] celebratura] fejl for celebranda. , loci ordinarii confirmatione subsecuta, pia largitione donavit, prout in quodam instrumento publico exinde confecto plenius continetur.

Ne igitur propter possessionum et bonorum hujusmodi exilitatem, que annuatim ultra 1½ mr. non valent seu usufructant, tam pium opus imposterum pereat et negligatur, sed potius ut presbiteri predicti onera sibi ratione misse prelibate incumbentia commodius supportare possint, necnon devotio Christi fidelium augeatur, dignetur s. v. omnibus vere penitentibus et confessis, qui in singulis per dictam cancellariam dari solitis festivitatibus earumque octavis vel in aliqua alia speciali die in litteris apostolicis desuper conficiendis exprimenda capellam prefatam devote visitaveriNt annuatim et ad conservationem dicte perpetue misse manus adjutrices porrexerint necnon pro anima dicti Beronis oraverint, aliquam uberem et, que tractu temporis non expiret, indulgentiam sive de injunctis eis penitentiis relaxationem elargiri.

Concessum in forma in presentia pape. C. Ariminensis .

Datum Bononie 2. non. junii anno 7.